Foto: Forbes

Qazaqstannıñ valyuta narığındağı özgerister mwnay bağasınıñ tömendeui saldarınan sırtqı narıqtarda qalıptasqan jağdaylarmen baylanıstı. Mwl turalı Wlttıq bankten habarladı. 

Wlttıq banktiñ Monetarlıq operaciyalar departamentiniñ direktorı Äliya
Moldabekovanıñ aytuınşa, soñğı aptalarda mwnay bağasınıñ bir barrel' üşin $46 deñgeyge deyin jäne odan  tömendeui narıqtağı wsınıstıñ boljamdı artıqşılığına qatıstı bolğan jañalıqtar ayasında orın aluda.

Onıñ aytuınşa, Liviyadağı mwnaydıñ  öndirisiniñ wlğayuı jäne AQŞ-tağı taqtatas mwnay öndirisiniñ ösui turalı jañalıq narıqta wsınıstı tömendetu boyınşa OPEK şaralarınıñ tabıstı boluına kümän keltiruge mäjbür etti.

«Narıqtağı boljam boyınşa, wsınıstıñ artıq boluı boljanğannan göri wzağıraq saqtaladı. Osılayşa, OPEK kelisiminiñ tiimdiligi barınşa kümän tudıradı», – dep atap ötti Ä. Moldabekova.

Negizgi irgeli faktorlardıñ biri retinde mwnay bağasınıñ özgerui Qazaqstan
teñgesiniñ ayırbastau bağamında äser etip otır. Alayda wlttıq valyutanıñ älsireui Qazaqstanda ğana emes, ekonomikası wqsas basqa elderde de bayqalıp otır.

" Jwmadan bastap teñge 3%, Resey rubli 4%, Kanada dolları
0.6%, Braziliya realı 1.1%, Norvegiya kronası 1.4% qwldıradı", - delingen Wlttıq bank habarlamasında.

Retteuşiniñ mälimetinşe, Wlttıq bank valyuta narığındağı ahualdı qadağalauın jalğastırıp otır jäne artıq qwbılmalılıqtı retteu jöninde şaralar qabıldau qwqığın özine qaldırıp otır.

“The Qazaq Times”