Foto: Bizber.ru

Qazaqstandağı Mäjilis deputattarı särsenbide plenarlıq mäjilis barısında jarnama mäseleleri jönindegi zañnamağa engizilgen tüzetuleri alğaşqı oqılımnan-aq maqwldanğan bolatın.

Zañ jobası, bwl rette, jarnama salasındağı zañnama bwzılğan kezdegi äkimşilik jauapkerşilikti belgilep otır.

Süleymenov «Jarnama turalı» Zañda büginniñ özinde jarnama salasında birqatar tıyımdar men şekteuler bar ekendigin atap körsetti. Degenmen, olar täjiribe jüzinde qoldanılıp jürgen joq jäne ol boyınşa äkimşilik jauapkerşilik joq bolğandıqtan äri ökiletti organdardıñ äkimşilik jauapkerşilikke tartu jönindegi täjiribesiniñ joqtığına oray, sub'ektiler tarapınan elenbeude. Osığan baylanıstı jarnama salasındağı äkimşilik jauapkerşilik türlerin dispoziciyalau ayqındalıp otır.

«Ekonomikanı dollarsızdandıru boyınşa jürgizilip otırğan sayasattı eskere otırıp, Qazaqstan Respublikasınıñ aumağında tauar satu kezinde onıñ bağasın wlttıq valyutada körsetpegeni üşin äkimşilik jauapkerşilik engizildi», - dedi Süleymenov.

Onıñ aytuınşa, josıqsız, kümändi, beyädep jäne jasırın jarnama bergeni üşin, sonday-aq, wlttıq aza twtu künderi  tele-radiarnalarda jarnama bergeni üşin jauapkerşilik belgilenip otır.

«Alkogol' men temekini jasırın jarnamalauğa jol bermeu üşin, türli is-şaralardı ötkizu türindegi, onıñ işinde alkogol'dik önimderge, temeki jäne temeki bwyımdarına swranıs pen qızığuşılıqtı arttıruğa bağıttalğan jüldeler, lotoreya oyındarın jarnamalağanı üşin jauapkerşilik engizildi», - dedi ministr.

Ol käsipkerlerdiñ qarjılıq jüktemelerin wlğaytuğa jol bermeu maqsatında ÄQK arqılı belgilengen jazalaulardıñ kölemi qayta qarastırılmağandığın atap ötti.

Sonımen qatar, zañ jobası arqılı telearnalar men radioarnalarda äleumettik jarnamalardı taratu tetigi belgilendi.

Kontentti jäne äleumettik jarnamanı taratu tärtibin naqtı retteu qajettigi pisip-jetilgendigi belgili. Sondıqtan da, mindetti 15 telearnalar men radioarnalarda qaytarımsız negizde ornalastırılatın äleumettik jarnamalardıñ kün sayınğı kölemin belgileu wsınılıp otır.

“The Qazaq Times”