Foto: Vlast'

2017 jıldıñ 5 ayında jergilikti atqaru organdar şeteldik jwmıs küşin tartu üşin 3 813 jwmıs beruşige 10 658 rwqsat qwjatın berip, jaramdılıq merzimin wzarttı. QR Eñbek jäne halıqtı äleumettik qorğau ministri Tamara Düysenova ayttı, dep habarlaydı ministrliktiñ baspasöz qızmeti. 

“Olar 3,2 mlrd teñge köleminde salıq töledi. 2017 jıldıñ basında el boyınşa şeteldik jwmıs küşin tartuğa 29,3 mıñ rwqsat beru küşinde bolsa, onıñ 23,1 mıñın 1-3 sanattardağı jwmısşılar qwradı. 545 adam korporativtik auısu ayasında jwmıldırıldı", - dedi ministr.

Ministrdiñ sözinşe, 2017 jıldıñ 1 mamırında 28,5 mıñ rwqsat berilse, onıñ 77%-ı 1-3 sanattağı mamandarğa tabıstaldı. Şeteldik jwmıs küşin tartqan 3 768 käsiporında 470,4 mıñ qazaqstandıq azamat isteydi, bwl jwmısşılardıñ jalpı sanınıñ 94%-ın qwraydı eken.

Sonday-aq, 2016 jılı şeteldik jwmıs küşin tartqan jwmıs beruşiler qazaqstandıq azamattar üşin 16 259 jwmıs ornın qamtamasız etken. Ötken jıl boyı 1 091 jwmısşı käsibi qayta dayarlıqtan ötse, 5427 jergilikti jwmısşı biliktiligin köterip, 249 qazaqstandıq eñbekker käsibi käsibi şeberligin şıñdağan.

Ministrliktiñ mälimetinşe, Qazaqstanğa keletin şeteldik mamandar, 3 aylıq tiisti  anıqtama negizinde biliktilikke say kez-kelgen jwmıs ornına, ekonomikanıñ basım salalarında swranısqa ie käsipter tizbesinde körsetilgen mamandıqtar twrğısında öz betimen jwmısqa twru mümkindigin ielenude. Şeteldik maman bilimin, jwmıs ötilin, täjiribesin jäne özge de biliktiligin däleldeytin şarttar şeñberinde arnayı jüyege layıq wpay jinaydı.

Jaña jeñildetilgen şeteldik jwmıs küşin tartu tärtibinde jwmıs rwqsattarın beru merzimi qısqartılıp, äkimşilik talaptar alınıp tastaldı. Eski qağidattardıñ ornına jwmıs beruşi salıq alımdarın töleui tiis.

“The Qazaq Times”