Foto: biz.censor.net.ua

Jañartılatın energiya közderi (JEK) negizinde elektr generaciyasına auıstıru esebinen 2050 jılı gazğa swranıs 5 payızğa tömendeydi. Bwdan JEK tarapınan bolatın bäsekelestikten kömirge jahandıq swranıs 2015 jılğı 5,6 mlrd tonnadan 2050 jılğa qaray 2,4 mlrd tonnağa tömendeydi. Bwl turalı QR Energetika ministri Qanat Bozımbaev mälimdedi. 

Ministrdiñ «Forsayt – 2050. Energiyanıñ jaña älemi jäne ondağı Qazaqstannıñ ornı» attı zertteu derekteri boyınşa, älemde kün jäne jel elektr stanciyalarınan elektr generaciyasınıñ ülesi 2050 jılğa qaray 5 payızdan 50 payızğa deyin 10 ese artadı, bwl rette, kün generaciyası jıldıq ortaşa ösim qarqınımen 10,2 payızğa, al jel generaciyası 7,1 payızğa ösedi.

Kömir quatınıñ aytarlıqtay ülesin auıstıru esebinen JEK-tiñ ülesi 2050 jılğa qaray jalpı elektr energiyanı öndirude 42 payızdı qwraydı.

2050 jılğa qaray Qazaqstanda elektr energiyasın twtınu 2016 jılğı deñgeymen salıstırğanda 1,3 ese artadı, jäne 123 mlrd. kVt/sağ qwraydı.

Qazaqstanda JEK-tiñ keñinen taraluı esebinen kömirge swranıs 69 mln tonnadan 31 mln tonnağa deyin tömendeydi. Atap aytqanda, elektr jäne jılu energiyasınıñ generaciyası sektorında kömirdi twtınu 50 mln tonnadan 18 mln tonnağa deyin tömendeydi. Kömir esebinen jalpı öndirudiñ ülesi 70 payızdan 22 payızğa deyin aytarlıqtay tömendeydi.

«Bizdiñ elimiz kün jäne jel energiyasınıñ joğarı äleuetine ie. Qazaqstan Respublikası Energetika ministrligi halıqtıñ jäne önerkäsiptiñ wlğayğan twtınuın öteu üşin jañartılatın energiya közderin damıtudı belsendi ıntalandırudı jalğastıradı,» - dedi Bozımbaev.

“The Qazaq Times”