جاڭارتىلاتىن ەنەرگيا كوزدەرى (جەك) نەگىزىندە ەلەكتر گەنەراتسياسىنا اۋىستىرۋ ەسەبىنەن 2050 جىلى گازعا سۇرانىس 5 پايىزعا تومەندەيدى. بۇدان جەك تاراپىنان بولاتىن باسەكەلەستىكتەن كومىرگە جاھاندىق سۇرانىس 2015 جىلعى 5,6 ملرد توننادان 2050 جىلعا قاراي 2,4 ملرد تونناعا تومەندەيدى. بۇل تۋرالى قر ەنەرگەتيكا ءمينيسترى قانات بوزىمباەۆ مالىمدەدى.
ءمينيستردىڭ «فورسايت – 2050. ەنەرگيانىڭ جاڭا الەمى جانە ونداعى قازاقستاننىڭ ورنى» اتتى زەرتتەۋ دەرەكتەرى بويىنشا، الەمدە كۇن جانە جەل ەلەكتر ستانتسيالارىنان ەلەكتر گەنەراتسياسىنىڭ ۇلەسى 2050 جىلعا قاراي 5 پايىزدان 50 پايىزعا دەيىن 10 ەسە ارتادى، بۇل رەتتە، كۇن گەنەراتسياسى جىلدىق ورتاشا ءوسىم قارقىنىمەن 10,2 پايىزعا، ال جەل گەنەراتسياسى 7,1 پايىزعا وسەدى.
كومىر قۋاتىنىڭ ايتارلىقتاي ۇلەسىن اۋىستىرۋ ەسەبىنەن جەك-ءتىڭ ۇلەسى 2050 جىلعا قاراي جالپى ەلەكتر ەنەرگيانى وندىرۋدە 42 پايىزدى قۇرايدى.
2050 جىلعا قاراي قازاقستاندا ەلەكتر ەنەرگياسىن تۇتىنۋ 2016 جىلعى دەڭگەيمەن سالىستىرعاندا 1,3 ەسە ارتادى، جانە 123 ملرد. كۆت/ساع قۇرايدى.
قازاقستاندا جەك-ءتىڭ كەڭىنەن تارالۋى ەسەبىنەن كومىرگە سۇرانىس 69 ملن توننادان 31 ملن تونناعا دەيىن تومەندەيدى. اتاپ ايتقاندا، ەلەكتر جانە جىلۋ ەنەرگياسىنىڭ گەنەراتسياسى سەكتورىندا كومىردى تۇتىنۋ 50 ملن توننادان 18 ملن تونناعا دەيىن تومەندەيدى. كومىر ەسەبىنەن جالپى ءوندىرۋدىڭ ۇلەسى 70 پايىزدان 22 پايىزعا دەيىن ايتارلىقتاي تومەندەيدى.
«ءبىزدىڭ ەلىمىز كۇن جانە جەل ەنەرگياسىنىڭ جوعارى الەۋەتىنە يە. قازاقستان رەسپۋبليكاسى ەنەرگەتيكا مينيسترلىگى حالىقتىڭ جانە ونەركاسىپتىڭ ۇلعايعان تۇتىنۋىن وتەۋ ءۇشىن جاڭارتىلاتىن ەنەرگيا كوزدەرىن دامىتۋدى بەلسەندى ىنتالاندىرۋدى جالعاستىرادى،» - دەدى بوزىمباەۆ.
استانادا قالعان جاڭاوزەندىك جۇمىسسىزدار "قازمۇنايگاز" كەلىسسوزدى توقتاتىپ تاستادى دەيدى
فبر پەنتاگوننىڭ قۇپيا قۇجاتتارىنىڭ جاريالانۋىنا قاتىسى بار كۇدىكتىنى قامادى
بىشكەكتە كاسىپكەرلەر جاڭا سالىق ەرەجەلەرىنە قارسى اكتسيا وتكىزدى
نازارباەۆ "قۇرمەتتى سەناتور" اتاعىنان ايىرىلدى
موڭعوليا استاناسىندا جاپپاي نارازىلىق شەرۋلەرى ءوتتى
ەكىباستۇزدا جىلۋ جەلىسىندەگى اقاۋعا "ستانتسيا قىزمەتكەرىنىڭ قاتەلىگى" سەبەپ بولعانى ايتىلدى