Foto: MIGnews

Şveycariya prokuraturası jemqorlıqqa baylanıstı FIFA halıqaralıq futbol federaciyası üstinen qılmıstıq is qozğadı.

Associated Press aqparat agenttiginiñ mälimetinşe, qazirgi tañda Şveycariya prokuraturası FIFA-nıñ bwrınğı basşısı Yozef Blatter üstinen, halıqaralıq futbol federaciyasınıñ bwrınğı bas hatşısı Jeroma Val'ke üstinen jäne 2006 jılı Germaniyada ötken älem çempionatın wyımdastıru komitetiniñ basşısı bolğan Franc Bekenbauerdiñ üstinen qılmıstıq is qozğağan.

Bwdan bölek prokuratura 2018 jäne 2022 jıldarı älem çempionatın ötkizuge baylanıstı saylau kezinde jemqorlıq faktileriniñ bar, joqtığın tekserip jatır.

Mamır ayınıñ ortasında Şveycariya policiyası AQŞ ötinişimen jemqorlıqqa qatısı bar 14 birdey FIFA atqaminerleriniñ üstinen qılmıstıq is qozğağan bolatın. Tergeu jwmıstarınıñ barısında 20 jıl işinde FIFA qızmetkerleri 150 million para alğandığı anıqtalğan.

Nätijesinde FIFA basşısı Yozef Blatterdiñ orınbasarı Jeroma Val'ke, UEFA basşısı Mişel' Platini jäne FIFA bas hatşısı Markus Katter otstavkağa ketken edi. Osıdan keyin FIFA öz işinde 22 ayğa sozılatın tekseru jwmıstarın jürgizetinin mälimdegen.

“The Qazaq Times”