Фото: MIGnews

Швейцария прокуратурасы жемқорлыққа байланысты FIFA халықаралық футбол федерациясы үстінен қылмыстық іс қозғады.

Associated Press ақпарат агенттігінің мәліметінше, қазіргі таңда Швейцария прокуратурасы FIFA-ның бұрынғы басшысы Йозеф Блаттер үстінен, халықаралық футбол федерациясының бұрынғы бас хатшысы Жерома Вальке үстінен және 2006 жылы Германияда өткен әлем чемпионатын ұйымдастыру комитетінің басшысы болған Франц Бекенбауэрдің үстінен қылмыстық іс қозғаған.

Бұдан бөлек прокуратура 2018 және 2022 жылдары әлем чемпионатын өткізуге байланысты сайлау кезінде жемқорлық фактілерінің бар, жоқтығын тексеріп жатыр.

Мамыр айының ортасында Швейцария полициясы АҚШ өтінішімен жемқорлыққа қатысы бар 14 бірдей FIFA атқамінерлерінің үстінен қылмыстық іс қозғаған болатын. Тергеу жұмыстарының барысында 20 жыл ішінде FIFA қызметкерлері 150 миллион пара алғандығы анықталған.

Нәтижесінде FIFA басшысы Йозеф Блаттердің орынбасары Жерома Вальке, УЕФА басшысы Мишель Платини және FIFA бас хатшысы Маркус Каттер отставкаға кеткен еді. Осыдан кейін FIFA өз ішінде 22 айға созылатын тексеру жұмыстарын жүргізетінін мәлімдеген.

“The Qazaq Times”