فوتو: MIGnews

شۆەيتساريا پروكۋراتۋراسى جەمقورلىققا بايلانىستى FIFA حالىقارالىق فۋتبول فەدەراتسياسى ۇستىنەن قىلمىستىق ءىس قوزعادى.

Associated Press اقپارات اگەنتتىگىنىڭ مالىمەتىنشە، قازىرگى تاڭدا شۆەيتساريا پروكۋراتۋراسى FIFA-نىڭ بۇرىنعى باسشىسى يوزەف بلاتتەر ۇستىنەن، حالىقارالىق فۋتبول فەدەراتسياسىنىڭ بۇرىنعى باس حاتشىسى جەروما ۆالكە ۇستىنەن جانە 2006 جىلى گەرمانيادا وتكەن الەم چەمپيوناتىن ۇيىمداستىرۋ كوميتەتىنىڭ باسشىسى بولعان فرانتس بەكەنباۋەردىڭ ۇستىنەن قىلمىستىق ءىس قوزعاعان.

بۇدان بولەك پروكۋراتۋرا 2018 جانە 2022 جىلدارى الەم چەمپيوناتىن وتكىزۋگە بايلانىستى سايلاۋ كەزىندە جەمقورلىق فاكتىلەرىنىڭ بار، جوقتىعىن تەكسەرىپ جاتىر.

مامىر ايىنىڭ ورتاسىندا شۆەيتساريا پوليتسياسى اقش وتىنىشىمەن جەمقورلىققا قاتىسى بار 14 بىردەي FIFA اتقامىنەرلەرىنىڭ ۇستىنەن قىلمىستىق ءىس قوزعاعان بولاتىن. تەرگەۋ جۇمىستارىنىڭ بارىسىندا 20 جىل ىشىندە FIFA قىزمەتكەرلەرى 150 ميلليون پارا العاندىعى انىقتالعان.

ناتيجەسىندە FIFA باسشىسى يوزەف بلاتتەردىڭ ورىنباسارى جەروما ۆالكە، ۋەفا باسشىسى ميشەل پلاتيني جانە FIFA باس حاتشىسى ماركۋس كاتتەر وتستاۆكاعا كەتكەن ەدى. وسىدان كەيىن FIFA ءوز ىشىندە 22 ايعا سوزىلاتىن تەكسەرۋ جۇمىستارىن جۇرگىزەتىنىن مالىمدەگەن.

“The Qazaq Times”