Foto: kapital.kz

Qazaqstan şikizattıq emes eksport kölemin 20%-dan asa deñgeyge wlğaytqan. Bwl turalı «Kazakh Invest» kompaniyasınıñ baspasöz qızmeti habarladı.

Statistikağa sensek, Qazaqstan jıl basınan beri öñdelgen tauarlar eksportınıñ kölemi 2017 jılğı 4 ay işinde 836 mln dollarğa (21%) ösken.

Sonımen şetelderge jetkizilgen tauarlardıñ 54%-ğa juığı metallurgiya önimderi, 20%-dan astamı – himiya önerkäsibi, 13%-ğa juığı – otın jäne 7%-ı tamaq önerkäsibi salasına jatadı. Eñ köp ösim metallurgiya salası men mineraldı önimderge tiesili.

Mısalı Qıtay jäne Resey Qazaqstannıñ şikizattıq emes eksportınıñ bastı narığı, şamamen 40% ülesti qwrap otır, 2017 jılğı 4 ay qorıtındısı boyınşa mwndağı eksport 21% jäne 27% ösken. Birikken arab ämirligine 32 mıñ tonna mıs önimi eksporttalğan. Qazir eki el arasında sauda-ekonomikalıq ıntımaqtastıqtı ösiru boyınşa jwmıs jürgizilip jatır. Sonday-aq EO elderine, yağni Batıs jäne Şığıs Europağa jetkizu 8%-ğa ösip keledi.

Ötken jıldan bastap V'etnamğa eksport kölemi artıp keledi jäne 2017 jılğı 4 ay qorıtındısına säykes, mırış jäne qorğasın eksportı 91 mln AQŞ dollarına deyin 4 ese ösken.

“The Qazaq Times”