قازاقستان شيكىزاتتىق ەمەس ەكسپورتتى ۇلعايتتى

سونىمەن شەتەلدەرگە جەتكىزىلگەن تاۋارلاردىڭ 54%-عا جۋىعى مەتاللۋرگيا ونىمدەرى، 20%-دان استامى – حيميا ونەركاسىبى، 13%-عا جۋىعى – وتىن جانە 7%-ى تاماق ونەركاسىبى سالاسىنا جاتادى. ەڭ كوپ ءوسىم مەتاللۋرگيا سالاسى مەن مينەرالدى ونىمدەرگە تيەسىلى.

مىسالى قىتاي جانە رەسەي قازاقستاننىڭ شيكىزاتتىق ەمەس ەكسپورتىنىڭ باستى نارىعى، شامامەن 40% ۇلەستى قۇراپ وتىر، 2017 جىلعى 4 اي قورىتىندىسى بويىنشا مۇنداعى ەكسپورت 21% جانە 27% وسكەن. بىرىككەن اراب امىرلىگىنە 32 مىڭ توننا مىس ءونىمى ەكسپورتتالعان. قازىر ەكى ەل اراسىندا ساۋدا-ەكونوميكالىق ىنتىماقتاستىقتى ءوسىرۋ بويىنشا جۇمىس جۇرگىزىلىپ جاتىر. سونداي-اق ەو ەلدەرىنە، ياعني باتىس جانە شىعىس ەۋروپاعا جەتكىزۋ 8%-عا ءوسىپ كەلەدى.

وتكەن جىلدان باستاپ ۆەتنامعا ەكسپورت كولەمى ارتىپ كەلەدى جانە 2017 جىلعى 4 اي قورىتىندىسىنا سايكەس، مىرىش جانە قورعاسىن ەكسپورتى 91 ملن اقش دوللارىنا دەيىن 4 ەسە وسكەن.

“The Qazaq Times”