Foto: liter.kz

Osı jıldıñ bes ayında memleket qazınasına salıqtıq emes jinaqtardan 140,3 mlrd teñge tüsken, Bwl jıldıq jospardıñ 84%-ın qwraydı, dep habarlaydı energyprom.kz.

Alayda ötken jıldıñ säykes kezeñimen salıstırğanda salıqtıq emes tüsimder 20%-ğa qısqarğan. Bwğan respublikalıq byudjetke tüsken tüsimderdiñ azayuı sebep bolğan. Mısalı ötken jıldıñ eseptik kezeñinde tüsimder 150 mlrd teñgeni qwrasa, biıl bar bolğanı 74 mlrd teñge bolğan.

Ayta keteyik, 2016 jılı 368 mlrd teñge salıqtıq emes tüsim arqılı memleket tabısı rekordtıq körsetkişke ie boldı jäne 2015 jılğa qarağanda 64%-ğa joğarı.

OSı jılı negizgi salıqtıq emes tüsimderdi memleket menşigi men äkimşilik ayıppwldar qwrap otır. Mısalı memlekettik menşiginen tüsken tabıs qazınanı 49,8 mlrd teñgege toltırdı. Bayqoñır keşenin paydalanğanı üşin 21,1 mlrd teñge tölengen.

Äkimşilik ayıppwldar men basqa da ayıp türleri boyınşa jinaq 26,7 mlrd teñgeni qwradı jäne bwl 2016 jıldıñ säykes kezeñimen salıstırğanda 23%-ğa joğarı. Eñ köp ayıppwl kölemi Almatı, Astana jäne Şığıs Qazaqstan oblısına tiesili.

“The Qazaq Times”