وسى جىلدىڭ بەس ايىندا مەملەكەت قازىناسىنا سالىقتىق ەمەس جيناقتاردان 140,3 ملرد تەڭگە تۇسكەن، بۇل جىلدىق جوسپاردىڭ 84%-ىن قۇرايدى، دەپ حابارلايدى energyprom.kz.
الايدا وتكەن جىلدىڭ سايكەس كەزەڭىمەن سالىستىرعاندا سالىقتىق ەمەس تۇسىمدەر 20%-عا قىسقارعان. بۇعان رەسپۋبليكالىق بيۋدجەتكە تۇسكەن تۇسىمدەردىڭ ازايۋى سەبەپ بولعان. مىسالى وتكەن جىلدىڭ ەسەپتىك كەزەڭىندە تۇسىمدەر 150 ملرد تەڭگەنى قۇراسا، بيىل بار بولعانى 74 ملرد تەڭگە بولعان.
ايتا كەتەيىك، 2016 جىلى 368 ملرد تەڭگە سالىقتىق ەمەس ءتۇسىم ارقىلى مەملەكەت تابىسى رەكوردتىق كورسەتكىشكە يە بولدى جانە 2015 جىلعا قاراعاندا 64%-عا جوعارى.
وسى جىلى نەگىزگى سالىقتىق ەمەس تۇسىمدەردى مەملەكەت مەنشىگى مەن اكىمشىلىك ايىپپۇلدار قۇراپ وتىر. مىسالى مەملەكەتتىك مەنشىگىنەن تۇسكەن تابىس قازىنانى 49,8 ملرد تەڭگەگە تولتىردى. بايقوڭىر كەشەنىن پايدالانعانى ءۇشىن 21,1 ملرد تەڭگە تولەنگەن.
اكىمشىلىك ايىپپۇلدار مەن باسقا دا ايىپ تۇرلەرى بويىنشا جيناق 26,7 ملرد تەڭگەنى قۇرادى جانە بۇل 2016 جىلدىڭ سايكەس كەزەڭىمەن سالىستىرعاندا 23%-عا جوعارى. ەڭ كوپ ايىپپۇل كولەمى الماتى، استانا جانە شىعىس قازاقستان وبلىسىنا تيەسىلى.
استانادا قالعان جاڭاوزەندىك جۇمىسسىزدار "قازمۇنايگاز" كەلىسسوزدى توقتاتىپ تاستادى دەيدى
فبر پەنتاگوننىڭ قۇپيا قۇجاتتارىنىڭ جاريالانۋىنا قاتىسى بار كۇدىكتىنى قامادى
بىشكەكتە كاسىپكەرلەر جاڭا سالىق ەرەجەلەرىنە قارسى اكتسيا وتكىزدى
موڭعوليا استاناسىندا جاپپاي نارازىلىق شەرۋلەرى ءوتتى
ەكىباستۇزدا جىلۋ جەلىسىندەگى اقاۋعا "ستانتسيا قىزمەتكەرىنىڭ قاتەلىگى" سەبەپ بولعانى ايتىلدى