Foto: Sputnik Kazahstan

QR Prezidenti Nwrswltan Nazarbaev Astana ekonomkalıq forumınıñ plenarlı otırısında EKSPO körmesiniñ artıqşılıqtarı men oğan jwmsalğan qarjı jäne onıñ aldağı uaqıtta qoldanısqa berilui jayında ayttı.

"EKSPO jobası Qazaqstan üşin öte mañızdı. Bwl imidjdi köteruge arnalğan. Körmeniñ aşıluına 17 memlekettiñ prezidentteri men ükimet basşıları keldi. 115 el men 22 halıqaralıq wyım qatısadı: olar bizge bastı innovaciyalarlı alıp keledi", - dedi Prezident.

Sonday-aq, ol EKPO körmesine qanşa şığın ketkenin de atap ötti. Prezidenttiñ sözinşe, respublika jalpı körmege 1,3 mlrd dollar jwmsağan. Jobanıñ jüzege asuına demeuşiler, jeke investorlar qatısqan, alayda barlıq qarjı qazaqstandıq kompaniyalar arqılı igerilgen.

"Bizdiñ qwrılıs materialdarı, jwmısşılar, bizdiñ metall önimderi, bizdiñ jihaz, yağni bizdiñ biznes ülken artıqşılıqqa ie boldı. Biz kompaniyalardı iske qostıq, 7 mıñnan asa jwmıs ornı qwrıldı. Bwdan keyin de jwmıs orındarı qwrılatın boladı. 3 mıñnan asa turister men qonaqtar keledi dep esepteymiz. Al bwl Astanadağı qızmet körsetu nısandarı men servisterdegi jwmıstı jandandıradı. Jalaqı aladı, biznesmender tabıs tabadı. Sondıqtan EKSPO jobası qay jağınan bolsın memleketke tiimdi jäne ol bizge kerek", - dedi Nwrswltan Nazarbaev.

Ayta keteyik, «Astana EKSPO-2017» kompaniyasınıñ basşısı Ahmetjanovtıñ boljauınşa, EKSPO-nıñ qwnı şamamen 400 mlrd teñgeni qwraydı. Al Forbes basılımınıñ mälimetinşe, Astanadağı EKSPO-2017 körmesiniñ jalpı şığını 3 mlrd dollar. Bwl qazirgi dollar bağamımen - şamamen 950 mlrd teñge.

“The Qazaq Times”