قر پرەزيدەنتى نۇرسۇلتان نازارباەۆ استانا ەكونومكالىق فورۋمىنىڭ پلەنارلى وتىرىسىندا ەكسپو كورمەسىنىڭ ارتىقشىلىقتارى مەن وعان جۇمسالعان قارجى جانە ونىڭ الداعى ۋاقىتتا قولدانىسقا بەرىلۋى جايىندا ايتتى.
"ەكسپو جوباسى قازاقستان ءۇشىن وتە ماڭىزدى. بۇل ءيميدجدى كوتەرۋگە ارنالعان. كورمەنىڭ اشىلۋىنا 17 مەملەكەتتىڭ پرەزيدەنتتەرى مەن ۇكىمەت باسشىلارى كەلدى. 115 ەل مەن 22 حالىقارالىق ۇيىم قاتىسادى: ولار بىزگە باستى يننوۆاتسيالارلى الىپ كەلەدى", - دەدى پرەزيدەنت.
سونداي-اق، ول ەكپو كورمەسىنە قانشا شىعىن كەتكەنىن دە اتاپ ءوتتى. پرەزيدەنتتىڭ سوزىنشە، رەسپۋبليكا جالپى كورمەگە 1,3 ملرد دوللار جۇمساعان. جوبانىڭ جۇزەگە اسۋىنا دەمەۋشىلەر، جەكە ينۆەستورلار قاتىسقان، الايدا بارلىق قارجى قازاقستاندىق كومپانيالار ارقىلى يگەرىلگەن.
ء"بىزدىڭ قۇرىلىس ماتەريالدارى، جۇمىسشىلار، ءبىزدىڭ مەتالل ونىمدەرى، ءبىزدىڭ جيھاز، ياعني ءبىزدىڭ بيزنەس ۇلكەن ارتىقشىلىققا يە بولدى. ءبىز كومپانيالاردى ىسكە قوستىق، 7 مىڭنان اسا جۇمىس ورنى قۇرىلدى. بۇدان كەيىن دە جۇمىس ورىندارى قۇرىلاتىن بولادى. 3 مىڭنان اسا تۋريستەر مەن قوناقتار كەلەدى دەپ ەسەپتەيمىز. ال بۇل استاناداعى قىزمەت كورسەتۋ نىساندارى مەن سەرۆيستەردەگى جۇمىستى جانداندىرادى. جالاقى الادى، بيزنەسمەندەر تابىس تابادى. سوندىقتان ەكسپو جوباسى قاي جاعىنان بولسىن مەملەكەتكە ءتيىمدى جانە ول بىزگە كەرەك", - دەدى نۇرسۇلتان نازارباەۆ.
ايتا كەتەيىك، «استانا ەكسپو-2017» كومپانياسىنىڭ باسشىسى احمەتجانوۆتىڭ بولجاۋىنشا، ەكسپو-نىڭ قۇنى شامامەن 400 ملرد تەڭگەنى قۇرايدى. ال Forbes باسىلىمىنىڭ مالىمەتىنشە، استاناداعى ەكسپو-2017 كورمەسىنىڭ جالپى شىعىنى 3 ملرد دوللار. بۇل قازىرگى دوللار باعامىمەن - شامامەن 950 ملرد تەڭگە.
استانادا قالعان جاڭاوزەندىك جۇمىسسىزدار "قازمۇنايگاز" كەلىسسوزدى توقتاتىپ تاستادى دەيدى
فبر پەنتاگوننىڭ قۇپيا قۇجاتتارىنىڭ جاريالانۋىنا قاتىسى بار كۇدىكتىنى قامادى
بىشكەكتە كاسىپكەرلەر جاڭا سالىق ەرەجەلەرىنە قارسى اكتسيا وتكىزدى
موڭعوليا استاناسىندا جاپپاي نارازىلىق شەرۋلەرى ءوتتى
ەكىباستۇزدا جىلۋ جەلىسىندەگى اقاۋعا "ستانتسيا قىزمەتكەرىنىڭ قاتەلىگى" سەبەپ بولعانى ايتىلدى