Irannıñ SİM basşısı Zarif. Foto: "Pars.Aqparat".

Iran Sırtqı ister ministrliginiñ basşısı Zarif Irandağı lañkestik şabuldardıñ artında Saud Arabiyası twr dep kesete ayttı. Ol bwl sözine qatıstı dälelderin de ortağa saldı. Bwl turalı «Pars.Aqparat» agenttiginiñ resmi saytı jazıp otır.

Iran sırtqı ister ministri Mwhammed Jabbad Zarif seysenbi küngi ötken «Oslo» forumında Saud Arabiyasınıñ taq mwrageniniñ sözin alğa tarta kelip, bwl nağız arandatuşılıq, maqsattı jaulıqtı közdep otır dep ayıptadı. Atalğan aqparat agentiginiñ habarlauınşa, osıdan bwrın Saud Arabiyasınıñ taq mwrageri äri sol eldiñ Qorğanıs ministrliginiñ basşısı Mwhammed ben Salman resmi telearnağa bergen swhbatında: «Soğıstı Irannıñ işine alıp barıp, Irandı soğıs maydanına aynaldıramız», – degen.

«Oslo» forumında irandıq ministrge: «Iran lañkestik şabuıl üşin nelikten Saud Arabiyasın kinälap otır?» degen swrau qoyıldı. Zarif bwğan: «Sebebi, Iranda lañkestik şabuıl bolğan küni Saud Arabiyası Qorğanıs ministrliginiñ tvitter paraqşasında osı turalı habar bärinen bwrın jariyalandı. Iran öz qauipsizdigin tolıq baqılauğa alıp otır. Sonımen birge, eldiñ şığıs aymaqtarında keybir qarulı toptardıñ äreket etip jatqanında tolıqtay biledi. Olar osıdan eki ay bwrın aymaqta 9 adamdı öltirip, körşiles elder arasındağı şielenisti paydalanıp, Irannıñ tınıştığın büldiruge dayındalıp otır», – dep jauap berdi.

Iran ministri söz soñında: «Iran ükimeti bir ğana  Iran emes, körşiles Katar men Saud Arabiyasınıñ da qauipsizdiginiñ saqtalğanın», – qalaydı dep eskertti.

“The Qazaq Times”