Foto: svoboda.org

Eski kölikterdi satu bağdarlaması iske qosılğalı beri kölikterin qayta öñdeuge tapsırğan qazaqstandıqtar 3,45 mlrd teñge köleminde ötemaqığa ie boldı. Bwl turalı Qazaqstannıñ avtobiznes qauımdastığı (QABQ) habarladı.

Bağdarlama bastalğalı beri 23 mıñ kölik tapsırılğan. QABQ-nıñ mälimetinşe, utilizaciyağa eñ köp ötkizilgen kölikter "VAZ- 2105", "VAZ- 2106", "VAZ 2101", "GAZ 3110", "Moskviç -2140" i "Mazda 626" bolğan. Mwnday mälimetterdi  «ÖKM operatorı» JŞS wsındı.

Tapsırılğan kölikterdiñ işinde eñ eski kölik 1946 jılı Semey qalasında şıqqan "Moskviç" köligi. Al eñ "jas" kölik - 2014 jılğı.

Sonday-aq, «ÖKM operatorı» JŞS kölik jinau punktine Mazda, Volkswagen, Honda sındı tanımal kölikter de ötkizilgen. Tipti Atırau qalasında 2017 jıldıñ naurız ayında qayta öñdeuge jol talğamaytın Toyota Land Cruiser kelip tüsken. Al mamır ayında erekşe kölikter qatarın Porsche 924 (1985 jılı şıqqan) sporttıq köligi tolıqtırdı. Bwl köliktiñ iesi ötemaqığa 150 mıñ teñge (şamamen $475) aldı. Sarapşılardıñ sözinşe, kollekcionerler raritetti 20 mıñ dollarğa bağalaydı eken.

Eski kölikterdi qayta öñdeuge ötkizgen öñirler arasıda Şımkent (2,98 mıñ kölik), Qostanay (1,8 mıñ kölik), Taldıqorğan (1,6 mıñ kölik) aldıñğı orında twr. Ötkizilgen kölikterdiñ ortaşa jası 25-30 jıl.

"The Qazaq Times"