ەسكى كولىكتەردى ساتۋ باعدارلاماسى ىسكە قوسىلعالى بەرى كولىكتەرىن قايتا وڭدەۋگە تاپسىرعان قازاقستاندىقتار 3,45 ملرد تەڭگە كولەمىندە وتەماقىعا يە بولدى. بۇل تۋرالى قازاقستاننىڭ اۆتوبيزنەس قاۋىمداستىعى (قابق) حابارلادى.
باعدارلاما باستالعالى بەرى 23 مىڭ كولىك تاپسىرىلعان. قابق-نىڭ مالىمەتىنشە، ۋتيليزاتسياعا ەڭ كوپ وتكىزىلگەن كولىكتەر "ۆاز- 2105", "ۆاز- 2106", "ۆاز 2101", "گاز 3110", "موسكۆيچ -2140" ي "مازدا 626" بولعان. مۇنداي مالىمەتتەردى «وكم وپەراتورى» جشس ۇسىندى.
تاپسىرىلعان كولىكتەردىڭ ىشىندە ەڭ ەسكى كولىك 1946 جىلى سەمەي قالاسىندا شىققان "موسكۆيچ" كولىگى. ال ەڭ "جاس" كولىك - 2014 جىلعى.
سونداي-اق، «وكم وپەراتورى» جشس كولىك جيناۋ پۋنكتىنە Mazda, Volkswagen, Honda سىندى تانىمال كولىكتەر دە وتكىزىلگەن. ءتىپتى اتىراۋ قالاسىندا 2017 جىلدىڭ ناۋرىز ايىندا قايتا وڭدەۋگە جول تالعامايتىن Toyota Land Cruiser كەلىپ تۇسكەن. ال مامىر ايىندا ەرەكشە كولىكتەر قاتارىن Porsche 924 (1985 جىلى شىققان) سپورتتىق كولىگى تولىقتىردى. بۇل كولىكتىڭ يەسى وتەماقىعا 150 مىڭ تەڭگە (شامامەن $475) الدى. ساراپشىلاردىڭ سوزىنشە، كوللەكتسيونەرلەر راريتەتتى 20 مىڭ دوللارعا باعالايدى ەكەن.
ەسكى كولىكتەردى قايتا وڭدەۋگە وتكىزگەن وڭىرلەر اراسىدا شىمكەنت (2,98 مىڭ كولىك), قوستاناي (1,8 مىڭ كولىك), تالدىقورعان (1,6 مىڭ كولىك) الدىڭعى ورىندا تۇر. وتكىزىلگەن كولىكتەردىڭ ورتاشا جاسى 25-30 جىل.
استانادا قالعان جاڭاوزەندىك جۇمىسسىزدار "قازمۇنايگاز" كەلىسسوزدى توقتاتىپ تاستادى دەيدى
فبر پەنتاگوننىڭ قۇپيا قۇجاتتارىنىڭ جاريالانۋىنا قاتىسى بار كۇدىكتىنى قامادى
بىشكەكتە كاسىپكەرلەر جاڭا سالىق ەرەجەلەرىنە قارسى اكتسيا وتكىزدى
نازارباەۆ "قۇرمەتتى سەناتور" اتاعىنان ايىرىلدى
موڭعوليا استاناسىندا جاپپاي نارازىلىق شەرۋلەرى ءوتتى
ەكىباستۇزدا جىلۋ جەلىسىندەگى اقاۋعا "ستانتسيا قىزمەتكەرىنىڭ قاتەلىگى" سەبەپ بولعانى ايتىلدى