Foto: odessa.all.biz

Parlament mäjilisiniñ deputattarı "Qazaqstan Respublikası men Qırğız Respublikası arasındağı tariftik sayasat negizderin qosa alğanda, temirjol köligi körsetetin qızmetterge qol jetkizudi retteu tärtibin qoldanu turalı kelisimdi ratifikaciyalau" zañ jobasın maqwldadı.

Zañ jobasın wsınğan QR Investiciyalar jäne damu ministri Jeñis Qasımbektiñ sözinşe, qol qoyılğan kelisim 2017 jıldıñ 10 qañtarınan beri uaqıtşa qoldanılıp keledi jäne eki el arasındağı  EAEO-ğa qatıstı keybir kelisim normaların merziminen bwrın qabıldaudı qajet etedi.

Ministrdiñ sözinşe, kelisim birinşiden, qazaq jäne qırğız twtınuşıları üşin temirjol köligi qızmetteri men infraqwrılımnıñ qoljetimdi boluın qamtamasız etedi. Ekinşiden, EAEO şeñberinde Qazaqstan men Qırğızstan arasında temir jol jäne tranzit köligimen tasımaldanatın tauarlarğa qatıstı birıñğay tarifterdi taraptardıñ paydalanuına mümkindik beredi.

"Birinşi kezekte birıñğay tarifti qoldanu qolaylı tariftik jağday jasau arqılı tasımal köleminiñ artuın qamtamasız etedi. Qazirdiñ özinde eki el arasındağı jük tasımalı ötken jıldıñ osı kezeñimen salıstırğanda 14%-ğa arttı", — deydi ministr.

Ayta keteyik, eki el arasındağı tariftik sayasat negizderin qosa alğanda, temirjol köligi körsetetin qızmetterge qol jetkizudi retteu tärtibin qoldanu turalı kelisim 2016 jıldıñ 26 jeltoqsanında Sankt-Peterburgte jasalğan.

“The Qazaq Times”