London qalasınıñ batısında köp qabattı twrğın üy örtke orandı. Oqiğa bolğan orınnan tüsirilgen videolarğa qarağanda ört twrğın üydi twtastay şarpığan. Soltüstik Kensington rayonındağı Grenfell Tower ğimaratına 40-qa juıq ört söndiruşi kölikter jinaldı. 200 ört söndiruşi qızmetker tartılsa da örtti toqtatu qiınğa soqqan. Bwl turalı BBC arnasınıñ resmi saytı habarladı.

London ört qauipsizdigi qızmetiniñ habarlauınşa, ğimarattıñ 2-şi qabatınan tartıp 27-qabatına deyin twtastay ört şarpığan. Tütinge twnşığıp qalğandar emhanağa jetkizilip, alğaşqı därigerlik kömek körsetildi. Alayda qazirge deyin zardap şekkenderdiñ naqtı sanı turalı mälimet berilgen joq.

Policiya tarabınıñ bergen habarında adamdardı örtten evakuaciyalau jürgizilip jatır. Biraq ğimaratta qanşa adam bolğanın, onıñ qanşası örtten qaşıp şıqqanı turalı naqtı mälimet joq. Örttiñ şığu sebebi de anıq emes. Biletinderdiñ aytuınşa, ğimaratta 200 päter bolğan.

Key adamdar äleumettik jelige ört işinde talay adamnıñ qwtqaru tilep twrğanın jazdı. Policiyağa jäne ört qauipsizdigi organdarına ört turalı habar sol jerdiñ jergilikti uaqıtımen tüngi sağat 01:16 da kelip tüsken.

“The Qazaq Times ”