F-35. Foto: defensemedianetwork

AQŞ Äue küşteri 9 mausım küni jariyalağan habarlamada, Arizona ştatına ornalasqan negizgi äue bazası – Luke Air Force Base  ortalığında F-35 twrpattı 5 wşaqta qauipti aqau tabılğanın rastadı. AQŞ Äue qorğanıs küşteriniñ resmi mälimdemeşisiniñ aytuınşa bwl 5 wşaqtağı ortaq aqau wşaqtardıñ wşu kezinde bayqalğan. YAğni, wşu kezinde wşqıştar kabinasına ottegi jetispeuşilik orın alğan. Bwl turalı Xinhua.Net habarlap otır.

AQŞ Äue qorğanıs küşteriniñ mälimdemeşisi Mark Graftıñ aytuına qarağanda, wşqıştar kömekşi ottegi tolıqtau qwralınıñ kömeginde, wşu mindetin orındağan. Adam jäne wşaq şığını bolmağan. Osı oqiğalardan keyin Luke Äue qorğanıs bazası F-35 joyğış wşaqtarın wşudan toqtattı. Degenmen, büginnen bastap (12 mausımnan) qayta paydalanuğa rwqsat etti. Bwl şekteu men rwqsat beru şeşimin bir ğana Luke Äue qorğanıs ortalıq bazası berip otır. Sebebi, özge F-35 joyğış wşaqtarın paydalanatın äue bazalarında mwnday aqaular kezdespegen.

Qazir atalğan baza ortalığı kemşilik tabılğan 5 wşaqtı tolıqtay tekseruge, äue küşteri aviaciyalıq operaciyalarınıñ bir top injenerlerdi jäne tehnikter tobın qwrdı.

F-35 joyğış wşaqtarınan kemistikter tabıluı twñğış ret bolıp otırğan joq. 2013 jılı Merilend ştatındağı äue bazasındağı F-35 joyğış wşağınıñ biri wşu kezinde wşqıştar kabinasınan qara tütin tolıp ketu isi tuılğan. Keyin onıñ sebebi Litiy batareyasınan dep körsetken bolatın. 2014 jılı mausımda Eglin äue armiyası bazasında F-35A twrpattı wşaq örtenip ketip, Pentagon arnaulı eskertu jasağan bolatın. Al, osıdan bir ay bwrın tağı bir F-35 joyğış wşağınan wşu kezinde janarmay tögilui oqiğası tuılğan bolatın. Bwl oqiğa AQŞ Äue qorğanıs salasında ülken söz bolıp edi.

“The Qazaq Times”