F-35. فوتو: defensemedianetwork

اقش اۋە كۇشتەرى 9 ماۋسىم كۇنى جاريالاعان حابارلامادا، اريزونا شتاتىنا ورنالاسقان نەگىزگى اۋە بازاسى – Luke Air Force Base  ورتالىعىندا F-35 تۇرپاتتى 5 ۇشاقتا قاۋىپتى اقاۋ تابىلعانىن راستادى. اقش اۋە قورعانىس كۇشتەرىنىڭ رەسمي مالىمدەمەشىسىنىڭ ايتۋىنشا بۇل 5 ۇشاقتاعى ورتاق اقاۋ ۇشاقتاردىڭ ۇشۋ كەزىندە بايقالعان. ياعني، ۇشۋ كەزىندە ۇشقىشتار كابيناسىنا وتتەگى جەتىسپەۋشىلىك ورىن العان. بۇل تۋرالى Xinhua.Net حابارلاپ وتىر.

اقش اۋە قورعانىس كۇشتەرىنىڭ مالىمدەمەشىسى مارك گرافتىڭ ايتۋىنا قاراعاندا، ۇشقىشتار كومەكشى وتتەگى تولىقتاۋ قۇرالىنىڭ كومەگىندە، ۇشۋ مىندەتىن ورىنداعان. ادام جانە ۇشاق شىعىنى بولماعان. وسى وقيعالاردان كەيىن Luke اۋە قورعانىس بازاسى F-35 جويعىش ۇشاقتارىن ۇشۋدان توقتاتتى. دەگەنمەن، بۇگىننەن باستاپ (12 ماۋسىمنان) قايتا پايدالانۋعا رۇقسات ەتتى. بۇل شەكتەۋ مەن رۇقسات بەرۋ شەشىمىن ءبىر عانا Luke اۋە قورعانىس ورتالىق بازاسى بەرىپ وتىر. سەبەبى، وزگە F-35 جويعىش ۇشاقتارىن پايدالاناتىن اۋە بازالارىندا مۇنداي اقاۋلار كەزدەسپەگەن.

قازىر اتالعان بازا ورتالىعى كەمشىلىك تابىلعان 5 ۇشاقتى تولىقتاي تەكسەرۋگە، اۋە كۇشتەرى اۆياتسيالىق وپەراتسيالارىنىڭ ءبىر توپ ينجەنەرلەردى جانە تەحنيكتەر توبىن قۇردى.

F-35 جويعىش ۇشاقتارىنان كەمىستىكتەر تابىلۋى تۇڭعىش رەت بولىپ وتىرعان جوق. 2013 جىلى مەريلەند شتاتىنداعى اۋە بازاسىنداعى F-35 جويعىش ۇشاعىنىڭ ءبىرى ۇشۋ كەزىندە ۇشقىشتار كابيناسىنان قارا ءتۇتىن تولىپ كەتۋ ءىسى تۋىلعان. كەيىن ونىڭ سەبەبى ليتي باتارەياسىنان دەپ كورسەتكەن بولاتىن. 2014 جىلى ماۋسىمدا Eglin اۋە ارمياسى بازاسىندا F-35A تۇرپاتتى ۇشاق ورتەنىپ كەتىپ، پەنتاگون ارناۋلى ەسكەرتۋ جاساعان بولاتىن. ال، وسىدان ءبىر اي بۇرىن تاعى ءبىر F-35 جويعىش ۇشاعىنان ۇشۋ كەزىندە جانارماي توگىلۋى وقيعاسى تۋىلعان بولاتىن. بۇل وقيعا اقش اۋە قورعانىس سالاسىندا ۇلكەن ءسوز بولىپ ەدى.

“The Qazaq Times”