Irannıñ ortalıq qalasındağı arnayı jasaqtar. Foto: Parstoday.

Iran ortalıq qalası Tehranda (Tegeran) 10 mıñnan astam policiya qızmetkerleri qala halqınıñ amandığın qorğau üşin şarlauğa jwmıldırıldı. Olar Tehran twrğındarın lañkestik şabuıldardan zardap şeguiniñ aldın alu üşin kündiz jäne tüngi kezekte şarlaudı tınbay jalğastırmaq. Bwl turalı «Pars.Aqparat» agenttigi habarlaydı.

Osı aptada orın alğan IIR ortalıq qalasındağı lañkestik şabuıldan  keyin, el astanasındağı saqtıq şaraları küşeytildi. 20 mıñ qarulı saqşı kündiz jäne tüngi kezekte şarlau qızmetin atqaruda. Bwğan qosa mıñnan astam arnayı jasaq ta lañkestik şabuıldardıñ aldın alu üşin jwmıldırılğan.

Iran policiya tarauları jariyalağan mälimette: «Biz ortalıq qalada jäne elimizdiñ jer-jerinde terrorşıl toptar men onı qoldauşılardıñ Iran halqına ziyan keltiruine jol bermeymiz. Irandıqtardıñ dini senimi men ruhani qwndılıqtarın qorğauğa sert beremiz», – desti. Qazir Irannıñ jer-jerinde osı tektes şaralar küşeytilude.

“The Qazaq Times”