يراننىڭ ورتالىق قالاسى پوليتسەيلەرگە تولدى

يران ورتالىق قالاسى تەھراندا (تەگەران) 10 مىڭنان استام پوليتسيا قىزمەتكەرلەرى قالا حالقىنىڭ اماندىعىن قورعاۋ ءۇشىن شارلاۋعا جۇمىلدىرىلدى. ولار تەھران تۇرعىندارىن لاڭكەستىك شابۋىلداردان زارداپ شەگۋىنىڭ الدىن الۋ ءۇشىن كۇندىز جانە تۇنگى كەزەكتە شارلاۋدى تىنباي جالعاستىرماق. بۇل تۋرالى «پارس.اقپارات» اگەنتتىگى حابارلايدى.

وسى اپتادا ورىن العان ير ورتالىق قالاسىنداعى لاڭكەستىك شابۋىلدان  كەيىن، ەل استاناسىنداعى ساقتىق شارالارى كۇشەيتىلدى. 20 مىڭ قارۋلى ساقشى كۇندىز جانە تۇنگى كەزەكتە شارلاۋ قىزمەتىن اتقارۋدا. بۇعان قوسا مىڭنان استام ارنايى جاساق تا لاڭكەستىك شابۋىلداردىڭ الدىن الۋ ءۇشىن جۇمىلدىرىلعان.

يران پوليتسيا تاراۋلارى جاريالاعان مالىمەتتە: «ءبىز ورتالىق قالادا جانە ەلىمىزدىڭ جەر-جەرىندە تەررورشىل توپتار مەن ونى قولداۋشىلاردىڭ يران حالقىنا زيان كەلتىرۋىنە جول بەرمەيمىز. يراندىقتاردىڭ ءدىني سەنىمى مەن رۋحاني قۇندىلىقتارىن قورعاۋعا سەرت بەرەمىز»، – دەستى. قازىر يراننىڭ جەر-جەرىندە وسى تەكتەس شارالار كۇشەيتىلۋدە.

“The Qazaq Times”