2020 jılğı avtokölik ülgisi Foto: sur.reviewitionline.net

"The Wall Street Journal"-dıñ habarlauınşa,Volkswagen avtokölik öndiruşi kompaniyasına qarastı säuletti avtokölikter öndiruşi Audi kompaniyası NVIDIA-men birlesip tolıqtay avtomattandırılğan avtokölik jasau isin damıtudı qolğa alğan. Sol arqılı avtokölik öndiruşi jäne tehnologiya kompaniyalarımen tıñ äriptestik ornatpaq.

Särsenbide, «Audi» kompaniyası: NVIDIA-men resmi selbestik ornata otırıp kölik jürgizudi tolıqtay avtomattandıru jobasın qolğa aldıq, mejemen mwnday jürgizuşini qajet etpeytin avtokölikter 2020 jılı bazarğa salınatın boldı dep habarladı. Bwl habar 2017 jılğı halıqaralıq elektronika twtınuşılar körmesinde belgili boldı. Las-Vegastağı ğılım-tehnologiya önimder körmesine älemdegi köptegen kölik jasauşı jäne jabdıqtauşı kompaniyalar qatıstı. Olar osı arada jaña tehnologiyadağı tıñ talpınıstar men jetistikterin ortağa saldı.

Osıdan bwrın Audi men NVIDIA-nıñ keñeytilgen ıntımaqtastığı arqılı «Keptelisti baqılau navigaciyası» dep atalatın jartılay avtomattandırılğan jürgizu jüyesin jasağan bolatın. Bwl qwrlığı osı jıldıñ soñına qaray Audi-A8 kölikterine ornatılatın boladı. Qwrlığıda paydalanılğan, NVIDIA-nıñ aqparattıq jäne bağdarlamalıq drayverleri kerek bolğan jağdayda sağatına 60 şaqırımdıq jıldamdıqpen avtomattı türde kölik jürgize aladı. Selbesken taraptardıñ ortaq pikiri: bolaşaqta bwl qwrlığı arqılı bağdarlamalıq qwraldı jañartıp, adamdı qajet etpeytin avtokölik jürgizu isin jüzege asıruğa äbden boladı degenge toqtaladı.

Eger bwl joba jüzege assa, barlıq äleumettik jäne jeke avtokölikterge arnaulı jürgizuşiniñ qajeti qalmaydı. Alayda bizdiñ oyımızşa bwl jüye jalpılassa, jol qwrlısı damığan elderge ğana jaramdı boları anıq. Jaña tehnologiyalar oylap-tabılıp, adamdardıñ qolın jwmıstan bosatqan sayın jwmıssızdar sanınıñ artatını tağı bar. Qwrlığı iske qosılıp, avtokölikter men äleumettik tasımal kölikteri jürgizuşilerdi qajet etpese älemde milliondağan adam jwmıssız qaladı. Bwl bizge bolaşaq qoğamdağı tıñ kürestiñ körnisin körsetip twr. Tüptiñ tübinde adamdar özi jasağan qoltemirlermen küresip jatatın kinodağı oqiğalar türin özgertip bizdiñ adamzat qoğamında jüz berui äbden mümkin.

“The Qazaq Times”