"äl-Jazira" arnası. foto: Fortune.

Katardıñ «äl-Jazira» aqparattıq agenttiniñ keşegi habarına, hakerler veb-sayttarına jäne sandıq platformalarına kiber şabuıl jasauğa tırısqanın mälimdedi. Bwl jelilik şabuıldar birneşe kün bwrınğı Parsı şığanağı elderiniñ Katarmen diplomatiyalıq qatınasın üzgen uaqıttan bastalğan.

Katardağı atalğan telearna bwl kiber şabuıl artında kimderdiñ twrğanın aşıq aytpadı. Degenmen de Katar dağdarısı tudırğan elderdiñ osı şabuılğa tikeley qatısı bar ekeni anıq.

«äl-Jazira» arnasınıñ resmi saytında kiber şabuıldıñ jiiligi artıp kele jatqandığı aytılğan. Şabuıldıñ agenttiktiñ naqtı qanday nısandarına qaratıla jürgizilgeni anıq aytılmağan.

Biraq tübektegi aytulı älemdik agenttik bwdan qattı bir alañdap otırğan joq.  Esteriñizge sala keteyik, osıdan birneşe kün bwrın Saud Arabiya bastağan, Mısır, Bahreyn, BAÄ qatarlı arab elderi Katarmen bolğan diplomatiyalıq baylanısın üzip, Katarğa diplomatiyalıq dağdarıs ornatqan bolatın. Bwl istiñ bir wşı Jer şarınıñ arğı betindegi Qwrama Ştattıñ Tayau-Şığısqa qaratqan sayasatına barıp tireledi.

“The Qazaq Times”