كاتاردىڭ «ءال-جازيرا» ارناسى حاكەرلەردىڭ شابۋىلىنا ۇشىراي باستادى

كاتاردىڭ «ءال-جازيرا» اقپاراتتىق اگەنتتىنىڭ كەشەگى حابارىنا، حاكەرلەر ۆەب-سايتتارىنا جانە ساندىق پلاتفورمالارىنا كيبەر شابۋىل جاساۋعا تىرىسقانىن مالىمدەدى. بۇل جەلىلىك شابۋىلدار بىرنەشە كۇن بۇرىنعى پارسى شىعاناعى ەلدەرىنىڭ كاتارمەن ديپلوماتيالىق قاتىناسىن ۇزگەن ۋاقىتتان باستالعان.

كاتارداعى اتالعان تەلەارنا بۇل كيبەر شابۋىل ارتىندا كىمدەردىڭ تۇرعانىن اشىق ايتپادى. دەگەنمەن دە كاتار داعدارىسى تۋدىرعان ەلدەردىڭ وسى شابۋىلعا تىكەلەي قاتىسى بار ەكەنى انىق.

«ءال-جازيرا» ارناسىنىڭ رەسمي سايتىندا كيبەر شابۋىلدىڭ جيىلىگى ارتىپ كەلە جاتقاندىعى ايتىلعان. شابۋىلدىڭ اگەنتتىكتىڭ ناقتى قانداي نىساندارىنا قاراتىلا جۇرگىزىلگەنى انىق ايتىلماعان.

بىراق تۇبەكتەگى ايتۋلى الەمدىك اگەنتتىك بۇدان قاتتى ءبىر الاڭداپ وتىرعان جوق.  ەستەرىڭىزگە سالا كەتەيىك، وسىدان بىرنەشە كۇن بۇرىن ساۋد ارابيا باستاعان، مىسىر، باحرەين، ءباا قاتارلى اراب ەلدەرى كاتارمەن بولعان ديپلوماتيالىق بايلانىسىن ءۇزىپ، كاتارعا ديپلوماتيالىق داعدارىس ورناتقان بولاتىن. بۇل ءىستىڭ ءبىر ۇشى جەر شارىنىڭ ارعى بەتىندەگى قۇراما شتاتتىڭ تاياۋ-شىعىسقا قاراتقان ساياساتىنا بارىپ تىرەلەدى.

“The Qazaq Times”