Türkimenstan Prezidenti Gurbangulı Berdimwhamedov. Foto: rf-smi.ru

Türkimenstan Prezidenti Gurbangulı Berdimwhamedov mwrağa qalğan elektr energiyası, su jäne tabiği gazdı endi halıqqa tegin bermeydi. YAğni halıq bwl jüyemen qoştasuına tura keledi, dep habarlaydı Reuters. Mwnday aqparattı eldiñ jergilikti BAQ ökilderi ükimettiñ qarjılıq qiındıqtarğa tap boluımen baylanıstırıp otır.

Türkimenstannıñ 5,5 mln halqı osı künge deyin, yağni 24 jıl boyı tabiği gaz ben elektr quatın şekteuli bolsa da tegin paydalanıp kelgen. Al 2014 jılğa deyin benzin tegin bolğan (ayına 120 litr).

TDH memlekettik aqparat agenttiginiñ mälimetinşe, Türkimenstan basşısı Ükimet otırısı kezinde "äleumettik jeñildikterdi wsınudıñ tiimsiz ekenin, aldağı uaqıtta bwl jeñildikterge tek şın mwqtaj jandar ğana ie bolatının" aytqan.

Türkimenstannıñ tabiği gazın eñ köp twtınantın Resey 2016 jıldan bastap kögildir otındı satıp aludı toqtatqan soñ eldiñ eksportı aytarlıqtay qısqardı. Al 2016 jıldıñ jeltoqsanında Iran Aşhabadpen tölem jüyesine baylanıstı bolğan kikiljiñnen soñ türkimendikterdiñ gazın satıp almağan.

Nätijesinde Türkimenstannıñ gazın twtınatın jalğız el Qıtay bolıp qaldı. Bwl el jılına 35-40 mlrd kubmetr gaz satıp aladı.

Halıqaralıq valyuta qorınıñ boljamına sensek, Türkimeniyanıñ memlekettik byudjetiniñ tapşılığı soñğı üş jıldan beri JİÖ-niñ 0,7%-ın qwraydı. Al memlekettik kiris osı jılı JİÖ-niñ 12,4%-ın qwrauı mümkin. Degenmen bwl 2014 jılmen salıstırğanda 17,9%-ğa tömen. Bwl kezde gaz eksportınıñ kölemi öte joğarı bolğan.

“The Qazaq Times”