تۇركىمەنستان پرەزيدەنتى گۋربانگۋلى بەردىمۇحامەدوۆ مۇراعا قالعان ەلەكتر ەنەرگياسى، سۋ جانە تابيعي گازدى ەندى حالىققا تەگىن بەرمەيدى. ياعني حالىق بۇل جۇيەمەن قوشتاسۋىنا تۋرا كەلەدى، دەپ حابارلايدى Reuters. مۇنداي اقپاراتتى ەلدىڭ جەرگىلىكتى باق وكىلدەرى ۇكىمەتتىڭ قارجىلىق قيىندىقتارعا تاپ بولۋىمەن بايلانىستىرىپ وتىر.
تۇركىمەنستاننىڭ 5,5 ملن حالقى وسى كۇنگە دەيىن، ياعني 24 جىل بويى تابيعي گاز بەن ەلەكتر قۋاتىن شەكتەۋلى بولسا دا تەگىن پايدالانىپ كەلگەن. ال 2014 جىلعا دەيىن بەنزين تەگىن بولعان (ايىنا 120 ليتر).
TDH مەملەكەتتىك اقپارات اگەنتتىگىنىڭ مالىمەتىنشە، تۇركىمەنستان باسشىسى ۇكىمەت وتىرىسى كەزىندە "الەۋمەتتىك جەڭىلدىكتەردى ۇسىنۋدىڭ ءتيىمسىز ەكەنىن، الداعى ۋاقىتتا بۇل جەڭىلدىكتەرگە تەك شىن مۇقتاج جاندار عانا يە بولاتىنىن" ايتقان.
تۇركىمەنستاننىڭ تابيعي گازىن ەڭ كوپ تۇتىنانتىن رەسەي 2016 جىلدان باستاپ كوگىلدىر وتىندى ساتىپ الۋدى توقتاتقان سوڭ ەلدىڭ ەكسپورتى ايتارلىقتاي قىسقاردى. ال 2016 جىلدىڭ جەلتوقسانىندا يران اشحابادپەن تولەم جۇيەسىنە بايلانىستى بولعان كيكىلجىڭنەن سوڭ تۇركىمەندىكتەردىڭ گازىن ساتىپ الماعان.
ناتيجەسىندە تۇركىمەنستاننىڭ گازىن تۇتىناتىن جالعىز ەل قىتاي بولىپ قالدى. بۇل ەل جىلىنا 35-40 ملرد كۋبمەتر گاز ساتىپ الادى.
حالىقارالىق ۆاليۋتا قورىنىڭ بولجامىنا سەنسەك، تۇركىمەنيانىڭ مەملەكەتتىك بيۋدجەتىنىڭ تاپشىلىعى سوڭعى ءۇش جىلدان بەرى ءجىو-ءنىڭ 0,7%-ىن قۇرايدى. ال مەملەكەتتىك كىرىس وسى جىلى ءجىو-ءنىڭ 12,4%-ىن قۇراۋى مۇمكىن. دەگەنمەن بۇل 2014 جىلمەن سالىستىرعاندا 17,9%-عا تومەن. بۇل كەزدە گاز ەكسپورتىنىڭ كولەمى وتە جوعارى بولعان.
كيبەرشابۋىلعا ۇشىراعان باق وكىلدەرى قۇقىق قورعاۋ ورگاندارىنا ارىز ءتۇسىردى
ورتالىق ازيا: تاريحي، ساياسي جانە ەكونوميكالىق مۇددەلەر اياسىندا
قىرعىزستاندا تاۋەلسىز Kloop باسىلىمىنىڭ قىرعىز تىلىندەگى سايتى بۇعاتتالدى
رەسەيدىڭ دونەتسك وبلىسى كونستانتينوۆكا قالاسىنداعى بازارعا شابۋىلىنان 16 ادام قازا تاپتى
سادىر جاپاروۆ ىستىقكولدەگى ءتورت پانسيوناتتى وزبەكستانعا بەرۋ سەبەبىن ءتۇسىندىردى
پيگوجيننىڭ «ۆاگنەر» توبى ماسكەۋ تۇبىنە كەلىپ شەگىنىپ كەتتى