Qıtaydıñ arnayı jasağı. Foto: The Wall Street Journal.

AQŞ jaqın künderi jariyalağan Qıtaydıñ äskeri quatı turalı eskertuinde aytıluınşa, Qıtaydıñ Aziyadan tıs aymaqtardağı äskeri öktemdigi artıp keledi degendi aytadı. Alayda, Qıtay bwl sözdi teristep, Qıtaydıñ qorğanıs sayasatı tek öziniñ qauipsizdigin qamtamasız etu maqsatındağı jürilip otırğanın aytadı. AQŞ-tıñ esebinşe, bwl Qıtaydıñ istegen isine jauapkerşilik tanıtpauı bolıp sanalıp otır. Bwl turalı tanımal “The Wall Street Journal” basılımı habarlap otır.

Qıtay Sırtqı ister ministrliginiñ baspasöz hatşısı Hua Çuniıñ särsenbi küngi baspasöz mäjilisinde: «Qıtaydıñ Wlttıq qorğanıs qwrlısı tek qana wlttıq qauipsizdigin qamtamasız etu ğana bolıp tabıladı. Eldiñ egemendigi men memleket twtastığın saqtau üşin», – dedi. Ol sonday-aq «Qırği qabaq soğısı» kezindegi AQŞ-tıñ beynesin sınğa aldı. AQŞ Qorğanıs departamenti bwl atalğan faktılardı eskermey otır dep sökti.

AQŞ Qorğanıs departamenti jariyalağan esepte Qıtaydıñ Päkstanda äskeri bazasın saluı mümkin delingen. Al Qıtay SİM hatşısı bwğan: «Bwl nağız alıpsatarlardıñ esebine wqsaydı», – dep jauap berdi. Ol tağı: «Qıtay men Päkstan körşi dästürli dostıq qarım-qatınastağı el. Eki el türli salalarda wzaq merzimdik ıntımaqtastıqtı jüzege asırdı», – dep toqtadı. Bwdan arı Päkstan men Qıtaydıñ äskeri odaqtastığı nemese AQŞ esebindegi aytılğandar boyınşa jauap bergen joq. Sodan arı Qıtay mälimdemeşisi jurnalister swrağınan jauap beruden bas tarttı.

“The Qazaq Times”