اقش قورعانىس دەپارتامەنتى: قىتايدىڭ ازيادان تىس جەردە اسكەري وكتەمدىگى ارتىپ كەلەدى

اقش جاقىن كۇندەرى جاريالاعان قىتايدىڭ اسكەري قۋاتى تۋرالى ەسكەرتۋىندە ايتىلۋىنشا، قىتايدىڭ ازيادان تىس ايماقتارداعى اسكەري وكتەمدىگى ارتىپ كەلەدى دەگەندى ايتادى. الايدا، قىتاي بۇل ءسوزدى تەرىستەپ، قىتايدىڭ قورعانىس ساياساتى تەك ءوزىنىڭ قاۋىپسىزدىگىن قامتاماسىز ەتۋ ماقساتىنداعى ءجۇرىلىپ وتىرعانىن ايتادى. اقش-تىڭ ەسەبىنشە، بۇل قىتايدىڭ ىستەگەن ىسىنە جاۋاپكەرشىلىك تانىتپاۋى بولىپ سانالىپ وتىر. بۇل تۋرالى تانىمال “The Wall Street Journal” باسىلىمى حابارلاپ وتىر.

قىتاي سىرتقى ىستەر مينيسترلىگىنىڭ ءباسپاسوز حاتشىسى حۋا چۋنيىڭ سارسەنبى كۇنگى ءباسپاسوز ماجىلىسىندە: «قىتايدىڭ ۇلتتىق قورعانىس قۇرلىسى تەك قانا ۇلتتىق قاۋىپسىزدىگىن قامتاماسىز ەتۋ عانا بولىپ تابىلادى. ەلدىڭ ەگەمەندىگى مەن مەملەكەت تۇتاستىعىن ساقتاۋ ءۇشىن»، – دەدى. ول سونداي-اق «قىرعي قاباق سوعىسى» كەزىندەگى اقش-تىڭ بەينەسىن سىنعا الدى. اقش قورعانىس دەپارتامەنتى بۇل اتالعان فاكتىلاردى ەسكەرمەي وتىر دەپ سوكتى.

اقش قورعانىس دەپارتامەنتى جاريالاعان ەسەپتە قىتايدىڭ پاكستاندا اسكەري بازاسىن سالۋى مۇمكىن دەلىنگەن. ال قىتاي ءسىم حاتشىسى بۇعان: «بۇل ناعىز الىپساتارلاردىڭ ەسەبىنە ۇقسايدى»، – دەپ جاۋاپ بەردى. ول تاعى: «قىتاي مەن پاكستان كورشى ءداستۇرلى دوستىق قارىم-قاتىناستاعى ەل. ەكى ەل ءتۇرلى سالالاردا ۇزاق مەرزىمدىك ىنتىماقتاستىقتى جۇزەگە اسىردى»، – دەپ توقتادى. بۇدان ارى پاكستان مەن قىتايدىڭ اسكەري وداقتاستىعى نەمەسە اقش ەسەبىندەگى ايتىلعاندار بويىنشا جاۋاپ بەرگەن جوق. سودان ارى قىتاي مالىمدەمەشىسى جۋرناليستەر سۇراعىنان جاۋاپ بەرۋدەن باس تارتتى.

“The Qazaq Times”