Foto: asiareport.ru

Qazaqstannıñ 5 mlrd kubmetr gazı Qıtayğa eksporttalatın boldı. "QazMwnayGaz"  ben qıtaylıq CNPC kompaniyası jetekşileriniñ arasında qazaqstandıq gazdı satu jäne satıp alu boyınşa kelisim jasaldı.

Eki tarap 2017-2018 jıldarı aralığında gaz jetkizu mümkindikterin talqıladı jäne özara tüsinistik memorandumına qol qoydı. Qwjatta jetkiziletin gaz kölemi, önimniñ sapası men bağası naqtılanğan. Qıtay tarapı gazdı "Qorğas" şekara mañında qabıldap aladı.

"Qazaqstan gazın  tasımaldau, sonday-aq tabiği gaz eksportınıñ wlğayuı, tranzittik jäne eksporttıq bağıttardı ärtaraptandıru - Prezident tarapınan bolğan strategiyalıq mañızdı tapsırma. Qıtayğa qazaqstandıq gazdı jetkizu kelisimi ekspor jüyesin qwru jwmıstarın rettedi."Beyneu-Bozoy-Şımkent" gaz qwbırınıñ qwrılısı ayaqtaldı, "Qazaqstan-Qıtay" magistral'dıq gaz qwbırınıñ üşinşi böligi paydalanuğa berildi", - dedi "QazTransGaz" kompaniyası direktorlar keñesiniñ törağası Qayrat Şäripbaev. 

Ayta keteyik, bwğan deyin Qazaqstan Qıtay üşin yadrolıq otın öndiretini habarlanğan edi. Birinşi kezeñde francuzdıq Areva kompaniyasınıñ qwraldarın paydalana otırıp,  jılına 200 tonna otın öndirilmek.

Qazaqstan eñ iri uran öndiruşi memleket bolğandıqtan,  şikizattı öndiru Qıtay men Qazaqstannıñ birlesken käsiporındarı arqılı 2019 jılğa qaray jüzege asırıladı. Bwl turalı Reyter agenttigi habarlap otır. Qazirgi tañda Ülbi-FA birlesken käsipornı Qazaqstanda urandı öñdeytin zauıt salıp jatır.