قازاقستاننىڭ 5 ملرد كۋبمەتر گازى قىتايعا ەكسپورتتالاتىن بولدى. "قازمۇنايگاز" بەن قىتايلىق CNPC كومپانياسى جەتەكشىلەرىنىڭ اراسىندا قازاقستاندىق گازدى ساتۋ جانە ساتىپ الۋ بويىنشا كەلىسىم جاسالدى.
ەكى تاراپ 2017-2018 جىلدارى ارالىعىندا گاز جەتكىزۋ مۇمكىندىكتەرىن تالقىلادى جانە ءوزارا تۇسىنىستىك مەموراندۋمىنا قول قويدى. قۇجاتتا جەتكىزىلەتىن گاز كولەمى، ءونىمنىڭ ساپاسى مەن باعاسى ناقتىلانعان. قىتاي تاراپى گازدى "قورعاس" شەكارا ماڭىندا قابىلداپ الادى.
"قازاقستان گازىن تاسىمالداۋ، سونداي-اق تابيعي گاز ەكسپورتىنىڭ ۇلعايۋى، ترانزيتتىك جانە ەكسپورتتىق باعىتتاردى ءارتاراپتاندىرۋ - پرەزيدەنت تاراپىنان بولعان ستراتەگيالىق ماڭىزدى تاپسىرما. قىتايعا قازاقستاندىق گازدى جەتكىزۋ كەلىسىمى ەكسپور جۇيەسىن قۇرۋ جۇمىستارىن رەتتەدى."بەينەۋ-بوزوي-شىمكەنت" گاز قۇبىرىنىڭ قۇرىلىسى اياقتالدى، "قازاقستان-قىتاي" ماگيسترالدىق گاز قۇبىرىنىڭ ءۇشىنشى بولىگى پايدالانۋعا بەرىلدى", - دەدى "قازترانسگاز" كومپانياسى ديرەكتورلار كەڭەسىنىڭ توراعاسى قايرات شارىپباەۆ.
ايتا كەتەيىك، بۇعان دەيىن قازاقستان قىتاي ءۇشىن يادرولىق وتىن وندىرەتىنى حابارلانعان ەدى. ءبىرىنشى كەزەڭدە فرانتسۋزدىق Areva كومپانياسىنىڭ قۇرالدارىن پايدالانا وتىرىپ، جىلىنا 200 توننا وتىن وندىرىلمەك.
قازاقستان ەڭ ءىرى ۋران ءوندىرۋشى مەملەكەت بولعاندىقتان، شيكىزاتتى ءوندىرۋ قىتاي مەن قازاقستاننىڭ بىرلەسكەن كاسىپورىندارى ارقىلى 2019 جىلعا قاراي جۇزەگە اسىرىلادى. بۇل تۋرالى رەيتەر اگەنتتىگى حابارلاپ وتىر. قازىرگى تاڭدا ءۇلبى-فا بىرلەسكەن كاسىپورنى قازاقستاندا ۋراندى وڭدەيتىن زاۋىت سالىپ جاتىر.
استانادا قالعان جاڭاوزەندىك جۇمىسسىزدار "قازمۇنايگاز" كەلىسسوزدى توقتاتىپ تاستادى دەيدى
فبر پەنتاگوننىڭ قۇپيا قۇجاتتارىنىڭ جاريالانۋىنا قاتىسى بار كۇدىكتىنى قامادى
بىشكەكتە كاسىپكەرلەر جاڭا سالىق ەرەجەلەرىنە قارسى اكتسيا وتكىزدى
نازارباەۆ "قۇرمەتتى سەناتور" اتاعىنان ايىرىلدى
موڭعوليا استاناسىندا جاپپاي نارازىلىق شەرۋلەرى ءوتتى
ەكىباستۇزدا جىلۋ جەلىسىندەگى اقاۋعا "ستانتسيا قىزمەتكەرىنىڭ قاتەلىگى" سەبەپ بولعانى ايتىلدى