Foto: tinkoffpro.ru

Qazaqstanda bankterdiñ qarız portfeliniñ sapası naşarlap jatır. Mwnday pikirdi "Kazkommerc Sek'yuritiz" sarapşısı Dinara Täñirbergenova aytıp otır, dep habarlaydı LS.

Onıñ sözinşe, säuir ayında töleu merzimi 90 künnen asıp ketken kreditterdiñ ülesi 7,7%-dan 8%-ğa deyin ösken.

Problemalı kreditteri eñ köp bank - Reseylik Sberbanktiñ Qazaqstandağı enşilesi  (13,7%) jäne ATF Bank (11%). Al Cesna bankte bolsa qarız portfeliniñ sapası basqalarğa qarağanda (4,8%) joğarı. Al orta jäne şağın bankterdiñ problemalı kreditteri iri bankterge qarağanda äldeqayda az (VTB bank pen Qazaqstandağı Päkistan bankin qospağanda).

Sarapşı 2017 jıldıñ tört ayındağı kreditter men depozitterdiñ ösimi öte tömen ekenin aytadı. Kredit inerciyasına valyuta kursınan bölek aqşa-nesie sayasatı narığındağı mölşerlemelerdiñ joğarı boluı, al depozit mölşeriniñ tömen boluına bankterdiñ balansındağı ötimdiliktiñ şamadan artıq kölemi äser etip otır. Bizdiñ oyımızşa, osı jılı kredit ösimi 4-6% deñgeyinde boladı", - deydi sarapşı.

Dinara Täñirbergenovanıñ mälimetinşe, kredit narığındağı jağday qayta qalıpqa kele bastağan. Säuir ayında berilgen qarız kölemi 0,3%-ğa ösken. Degenmen ötken tört aydıñ qorıtındısı boyınşa berilgen qarız kölemi (-1,4%) kemigen.

"Bankter äli kredit beruge qızığuşılıq tanıtıp otırğan joq. Olar aqşa-nesie narığı men qwndı qağazdar narığın esepke alıp otır", - deydi ol.

Äzirge qarız portfeliniñ ösimi Halıq bankke (+2,2% M-k-M) tiesili, Al  vDelta bank-tiñ körsetkişi (-6,5%) mülde tömendep ketken.

Ayta keteyik, 22 mamır küni Wlttıq bank   «Delta Bank» AQ-tıñ jeke jäne zañdı twlğalardıñ depozitterin qabıldauğa, jeke jäne zañdı twlğalardıñ bank şottarın aşuğa licenziyasın toqtata twru turalı şeşim qabıldağan bolatın.

0106

“The Qazaq Times”