Foto: ParsToday

"Fars" aqparat agenttiginiñ habarlauınşa Resey Qorğanıs ministrligi süñguir qayıqtan Süriyadağı DAIŞ-tıñ poziciyalarına qanattı zımırandar atqan.

«Sputnik» aqparat agenttigi Resey Qorğanıs ministrligi osı el armiyası teñiz küşteriniñ särsenbi küni Jerorta teñizinde ornalasqan «Admiral Essen» kemesi men «Krasnodar» süñguir qayığınan Süriyanıñ Pal'mira tarihi qalasındağı DAIŞ-tıñ poziciyalarına 4 qanattı zımıran atqanın habarladı.

Resey Qorğanıs ministrliginiñ mälimdemesi boyınşa, zımıranmen nısanağa alınğan bekinister men auır qaru-jaraq qoyması talqandalıp, Rakka qalasınan attanğan sodırlardıñ közi joyıldı.

Resey 2015 jıldıñ qırküyek-qazan aylarınan beri Süriya ükimetimen lañkestikke qarsı äriptestik ayasında Latakiya oblısındağı Hamimde ornalasqan öziniñ äue-ğarış bölimşesin paydalanumen qosa, kemeler, süñguir qayıqtar men bombalauşı wşaqtardı qoldanıp, Süriyağa qarsı lañkesterdiñ, sonıñ işinde DAIŞ pen än-Nosrat maydanınıñ poziciyaların bombalauda. Bwl lañkesterdiñ ilgerileuiniñ toqtatılıp, olardıñ üsti-üstine jeñilis tabuına sebep boluda.

“The Qazaq Times”