Фото: ParsToday

"Фарс" ақпарат агенттігінің хабарлауынша Ресей Қорғаныс министрлігі сүңгуір қайықтан Сүриядағы ДАИШ-тың позицияларына қанатты зымырандар атқан.

«Спутник» ақпарат агенттігі Ресей Қорғаныс министрлігі осы ел армиясы теңіз күштерінің сәрсенбі күні Жерорта теңізінде орналасқан «Адмирал Эссен» кемесі мен «Краснодар» сүңгуір қайығынан Сүрияның Пальмира тарихи қаласындағы ДАИШ-тың позицияларына 4 қанатты зымыран атқанын хабарлады.

Ресей Қорғаныс министрлігінің мәлімдемесі бойынша, зымыранмен нысанаға алынған бекіністер мен ауыр қару-жарақ қоймасы талқандалып, Ракка қаласынан аттанған содырлардың көзі жойылды.

Ресей 2015 жылдың қыркүйек-қазан айларынан бері Сүрия үкіметімен лаңкестікке қарсы әріптестік аясында Латакия облысындағы Хамимде орналасқан өзінің әуе-ғарыш бөлімшесін пайдаланумен қоса, кемелер, сүңгуір қайықтар мен бомбалаушы ұшақтарды қолданып, Сүрияға қарсы лаңкестердің, соның ішінде ДАИШ пен ән-Носрат майданының позицияларын бомбалауда. Бұл лаңкестердің ілгерілеуінің тоқтатылып, олардың үсті-үстіне жеңіліс табуына себеп болуда.

“The Qazaq Times”