Foto: naryk.kz

Qazaqstanda bügingi tañda şamamen 80 000 köppäterli twrğın üy ğimarattarı tirkelgen. Ğimarattardıñ 1/3 böligi jöndeu jürgizudi qajet etedi. Köptegen ğimarattar jılumen qorğaudıñ qazirgi zamanğı talaptarına säykes kelmeuine baylanıstı termojañğırtudı talap etedi. Endi osı mäseleni şeşudi Qazaqstan Respublikası Investiciyalar jäne damu ministrligi qolğa almaq. Bwl turalı ministrliktiñ baspasöz qızmeti habarladı.

Vedomstvonıñ mälimetinşe, ministrlik pen Qazaqstandağı Birikken wlttar wyımınıñ damu bağdarlaması (BWWDB) arasında «Twrğın üy kommunaldıq şaruaşılığı salasındağı orta jäne şağın biznesti damıtu jäne investiciyalıq tartımdılıqtı arttıruğa arnalğan twrğın üy qatınastarınıñ jüyesin jetildiru» attı birlesken jobanı iske asıru turalı kelisimge qol qoyılğan.

"Jobanıñ maqsatı – twrğın üy qorın basqaru jäne kütip-wstauğa şağın jäne orta biznesti (ŞOB) tartu arqılı TKŞ sektorınıñ investiciyalıq tartımdılığın arttıru", - delingen habarlamada.

Ministrliktiñ aytuınşa,  mäselelerdi şeşu qalalardağı jäne twrğılıqtı eldi-mekenderinde halıqtıñ ömir süru sapasın arttıruğa, TKŞ jüyeleriniñ twraqtı qızmet etuine, twrğın üy sektorındağı energiya tiimdiligin ilgeriletuge jäne jaña jwmıs orındarın qwruğa ıqpal etetin boladı.

QR IDM men BWWDB arasındağı birlesken joba 2018 jıldıñ ayağına deyin iske asırıladı. Jobanıñ jalpı byudjeti 650 mln teñgeden asadı.

Atalğan joba, biznestiñ äleumettik jauapkerşiligin arttıruğa bağıttalğan, al qabıldanatın şeşimder twrğındardıñ masıldığın tömendetuge ıqpal etedi.

“The Qazaq Times”