فوتو: naryk.kz

قازاقستاندا بۇگىنگى تاڭدا شامامەن 80 000 كوپپاتەرلى تۇرعىن ءۇي عيماراتتارى تىركەلگەن. عيماراتتاردىڭ 1/3 بولىگى جوندەۋ جۇرگىزۋدى قاجەت ەتەدى. كوپتەگەن عيماراتتار جىلۋمەن قورعاۋدىڭ قازىرگى زامانعى تالاپتارىنا سايكەس كەلمەۋىنە بايلانىستى تەرموجاڭعىرتۋدى تالاپ ەتەدى. ەندى وسى ماسەلەنى شەشۋدى قازاقستان رەسپۋبليكاسى ينۆەستيتسيالار جانە دامۋ مينيسترلىگى قولعا الماق. بۇل تۋرالى مينيسترلىكتىڭ ءباسپاسوز قىزمەتى حابارلادى.

ۆەدومستۆونىڭ مالىمەتىنشە، مينيسترلىك پەن قازاقستانداعى بىرىككەن ۇلتتار ۇيىمىنىڭ دامۋ باعدارلاماسى (بۇۇدب) اراسىندا «تۇرعىن ءۇي كوممۋنالدىق شارۋاشىلىعى سالاسىنداعى ورتا جانە شاعىن بيزنەستى دامىتۋ جانە ينۆەستيتسيالىق تارتىمدىلىقتى ارتتىرۋعا ارنالعان تۇرعىن ءۇي قاتىناستارىنىڭ جۇيەسىن جەتىلدىرۋ» اتتى بىرلەسكەن جوبانى ىسكە اسىرۋ تۋرالى كەلىسىمگە قول قويىلعان.

"جوبانىڭ ماقساتى – تۇرعىن ءۇي قورىن باسقارۋ جانە كۇتىپ-ۇستاۋعا شاعىن جانە ورتا بيزنەستى (شوب) تارتۋ ارقىلى تكش سەكتورىنىڭ ينۆەستيتسيالىق تارتىمدىلىعىن ارتتىرۋ", - دەلىنگەن حابارلامادا.

مينيسترلىكتىڭ ايتۋىنشا،  ماسەلەلەردى شەشۋ قالالارداعى جانە تۇرعىلىقتى ەلدى-مەكەندەرىندە حالىقتىڭ ءومىر ءسۇرۋ ساپاسىن ارتتىرۋعا، تكش جۇيەلەرىنىڭ تۇراقتى قىزمەت ەتۋىنە، تۇرعىن ءۇي سەكتورىنداعى ەنەرگيا تيىمدىلىگىن ىلگەرىلەتۋگە جانە جاڭا جۇمىس ورىندارىن قۇرۋعا ىقپال ەتەتىن بولادى.

قر يدم مەن بۇۇدب اراسىنداعى بىرلەسكەن جوبا 2018 جىلدىڭ اياعىنا دەيىن ىسكە اسىرىلادى. جوبانىڭ جالپى بيۋدجەتى 650 ملن تەڭگەدەن اسادى.

اتالعان جوبا، بيزنەستىڭ الەۋمەتتىك جاۋاپكەرشىلىگىن ارتتىرۋعا باعىتتالعان، ال قابىلداناتىن شەشىمدەر تۇرعىنداردىڭ ماسىلدىعىن تومەندەتۋگە ىقپال ەتەدى.

“The Qazaq Times”