Qazaqstanda terrorizm jäne ekstremizm üşin sottalğandar sanı ösip baradı, delingen Ortalıq Aziyadağı "Halıqaralıq türme reforması" wyımınıñ zertteuinde.

2014 jılı ekstremizm men terrorizmge qatıstı baptar boyınşa Qazaqstanda 154 adam sottalğan bolsa, 2016 jılı bwl körsetkiş 554-ke jetken. Zertteu 30 mamırda Astanada tanıstırıldı. 554 adamnıñ 327-si "ekstremistik" sipattağı qılmıs jasağan.

İşki ister organdarı qızmeti jönindegi qoğamdıq keñestiñ törağası Marat Qoğamovtıñ ekstremisterdiñ basım böligi jwmıssızdar ekenin ayttı. Olardıñ arasında şeneunikter, öner qayratkerleri, käsipkerler atımen joq. "Bwl degeniñiz, memlekettiñ äleumettik sayasatın damıtu qajet ekenin bildiredi", - dedi ol.

PRI zertteuinde 200 jazasın öteuşi men solarmen jwmıs istegenderdiñ pikirleri eskerildi. Wyımnıñ aymaqtıq direktorı Azamat Şambilovtıñ aytuınşa, qazirgi tañda Qazaqstan türmelerinde 3,5 mıñnan astam din wstanuşı bar, olardıñ 763-i salafizm ökilderi, 90-nan astam adam radikaldıq wstanımın jasırmaydı.

PRI zertteui boyınşa, Qazaqstanda radikaldıq dini ideyalardıñ taraluına qarsı twratın käsibi jäne täjiribeli din ökilderi qajet. PRI Niderlandı mısalına süyene otırıp, türme imamdarın engizudi wsınıp otır.

qazaqtimes.com