Foto: Minval.az

 Standard & Poor's (S&P) halıqaralıq reyting agenttigi Äzerbayjannıñ şeteldik jäne wlttıq valyutadağı wzaq merzimdi nemese qısqa merzimdi kreditik reytingin bağalap, "BB+/B", deñgeyinde qaldırdı. Mwnday mälimetti eldiñ qarjı ministrligi tarattı. 

"Agenttik Äzerbayjannıñ kredittik reytingin kezekten tıs bağalau kezinde  "BB+/B" deñgeyinde qaldırdı. Mwnday bağalaudıñ bastı sebebi Äzerbayjan halıqaralıq bankiniñ sırtqı qarızdarın qayta qwrılımdau mäselesi boldı", - deydi Qarjı ministrligi.

S&P mamandarınıñ sözinşe, JİÖ-ge şaqqandağı Äzerbayjannıñ sırtqı qarızınıñ ösimi 2017 jıldıñ qañtarında elder reytingin bağalau kezinde esepke alınğan. Sondıqtan ÄHB-ğa qatıstı jağday äzirge Äzerbayjannıñ reytingine äser ete qoymaydı.

Bwğan deyin ÄHB 3,3 mlrd dollar qarızdı qayta qwrılımdau üşin N'yu-York sotına özderin bankrot dep tanu turalı ötiniş jibergen. Sot bwl isti 7 mausımğa şegerdi.

Eske salayıq, Äzerbayjannıñ bwl bankine qazaqstandıqtardıñ 71,3 mlrd teñgege juıq zeynetaqı jinağı salınğanı turalı habarlanğan. Osıdan soñ Äzerbayjan biligi problemalı bankke salınğan qazaqstandıq zeynetaqı qarjısı qaytarılatının mälimdegen. Degenmen ÄHB qarızdı qaytarudıñ tiimsiz üş nwsqasın wsınıp otır.

"The Qazaq Times"