Foto: Kursiv.kz

Qazaqstannıñ qor birjası (KASE) akcionerleri birjanıñ 2016 jılğı taza tabısın jariyalamay, onı birjanı damıtu jwmıstarına jwmsau turalı şeşim qabıldadı.

Ötken jıldıñ nätijesi boyınşa, taza tabıs 721,8 mln teñgeni qwrağan jäne bwl 2015 jılmen salıstırğanda 26,3%-ğa tömen.

«Birjanıñ operaciyalıq kirisiniñ tömendeui qızmetter men komissya tabısınıñ azayuımen baylanıstı. Bwl bizdiñ narıqtağı jağday. Alayda biz bwl tömengi körsetkişti investiciyalıq qızmetten tabıs tabu arqılı 650 mln teñgege deyin köterdik. Bwl KASE narığın damıtuğa jäne strategiyasın jüzege asıruğa jwmsaladı», — dedi  KASE-niñ basqarma törağası Alina Aldambergen.

Tekserilgen konsaltingtik  qarjı esebiniñ mälimeti boyınşa 2016 jıldıñ 31 jeltoqsanında  KASE tobınıñ aktivteriniñ kölemi 7,8 mlrd teñgeni qwrağan jäne 2015 jıldıñ körsetkişimen salıstırğanda 6,3 %-ğa (522,3 mln teñge) azayğan. Eseptik kezeñde jeke kapital 14,8 % (0,9 mlrd teñge) nemese 7,2 mlrd teñgege deyin wlğayğan.

Esep beru jılınıñ nätijesi boyınşa birjalıq toptıñ jalpı kirisi  2 154,8 mln teñgeni qwrağan jäne bwl ötken jıldıñ körsetkişine qarağanda ,392,2 mln teñgege nemese 15,4 %-ğa kem. Sonday-aq negizgi qızmetten tüsken kiris 1 507 mln teñge jäne 144,7 mln teñge nemese 8,8 %-ğa kem.

“The Qazaq Times”