قازاقستاننىڭ قور بيرجاسى (KASE) اكتسيونەرلەرى بيرجانىڭ 2016 جىلعى تازا تابىسىن جاريالاماي، ونى بيرجانى دامىتۋ جۇمىستارىنا جۇمساۋ تۋرالى شەشىم قابىلدادى.
وتكەن جىلدىڭ ناتيجەسى بويىنشا، تازا تابىس 721,8 ملن تەڭگەنى قۇراعان جانە بۇل 2015 جىلمەن سالىستىرعاندا 26,3%-عا تومەن.
«بيرجانىڭ وپەراتسيالىق كىرىسىنىڭ تومەندەۋى قىزمەتتەر مەن كوميسسيا تابىسىنىڭ ازايۋىمەن بايلانىستى. بۇل ءبىزدىڭ نارىقتاعى جاعداي. الايدا ءبىز بۇل تومەنگى كورسەتكىشتى ينۆەستيتسيالىق قىزمەتتەن تابىس تابۋ ارقىلى 650 ملن تەڭگەگە دەيىن كوتەردىك. بۇل KASE نارىعىن دامىتۋعا جانە ستراتەگياسىن جۇزەگە اسىرۋعا جۇمسالادى»، — دەدى KASE-ءنىڭ باسقارما توراعاسى الينا الدامبەرگەن.
تەكسەرىلگەن كونسالتينگتىك قارجى ەسەبىنىڭ مالىمەتى بويىنشا 2016 جىلدىڭ 31 جەلتوقسانىندا KASE توبىنىڭ اكتيۆتەرىنىڭ كولەمى 7,8 ملرد تەڭگەنى قۇراعان جانە 2015 جىلدىڭ كورسەتكىشىمەن سالىستىرعاندا 6,3 %-عا (522,3 ملن تەڭگە) ازايعان. ەسەپتىك كەزەڭدە جەكە كاپيتال 14,8 % (0,9 ملرد تەڭگە) نەمەسە 7,2 ملرد تەڭگەگە دەيىن ۇلعايعان.
ەسەپ بەرۋ جىلىنىڭ ناتيجەسى بويىنشا بيرجالىق توپتىڭ جالپى كىرىسى 2 154,8 ملن تەڭگەنى قۇراعان جانە بۇل وتكەن جىلدىڭ كورسەتكىشىنە قاراعاندا ،392,2 ملن تەڭگەگە نەمەسە 15,4 %-عا كەم. سونداي-اق نەگىزگى قىزمەتتەن تۇسكەن كىرىس 1 507 ملن تەڭگە جانە 144,7 ملن تەڭگە نەمەسە 8,8 %-عا كەم.
استانادا قالعان جاڭاوزەندىك جۇمىسسىزدار "قازمۇنايگاز" كەلىسسوزدى توقتاتىپ تاستادى دەيدى
فبر پەنتاگوننىڭ قۇپيا قۇجاتتارىنىڭ جاريالانۋىنا قاتىسى بار كۇدىكتىنى قامادى
بىشكەكتە كاسىپكەرلەر جاڭا سالىق ەرەجەلەرىنە قارسى اكتسيا وتكىزدى
موڭعوليا استاناسىندا جاپپاي نارازىلىق شەرۋلەرى ءوتتى
ەكىباستۇزدا جىلۋ جەلىسىندەگى اقاۋعا "ستانتسيا قىزمەتكەرىنىڭ قاتەلىگى" سەبەپ بولعانى ايتىلدى