Britaniya delegaciyası.

Astanada Qazaqstan Respublikası Sırtqı ister ministri Qayrat Äbdirahmanov Wlıbritaniya Sırtqı ister ministrliginiñ Twraqtı hatşısı Ser Saymon Makdonal'dpen kezdesti.

Kazaqstandıq diplomat «Mançester Arena» stadionındağı jarılıstarınıñ qwrbandarı jäne japa şekkenderdiñ otbasılarına köñil aytıp, äriptesine Wlıbritaniyanıñ Prem'er-ministri Tereza Meyge Qazaqstan Respublikasınıñ Prezidenti Nwrswltan Nazarbaevtıñ köñil aytu hatın tabıstadı. Qazaqstan lañkestiktiñ kez-kelgen türleri men körinisterin qatañ türde ayıptap, halıqaralıq qauımdastıqtıñ atalğan zwlımdıqqa qarsı jüyeli, praktikalıq ıntımaqtastığın qoldaytındığı atap ötildi.

Kezdesu barısında taraptar eki jaqtı jäne köp jaqtı ıntımaqtastıq mäseleleriniñ keñ spektri boyınşa qazirgi jağdayı men perspektivaların qarastırdı. Diplomattar 2015 jılğı qaraşada Qazaqstan Respublikasınıñ Prezidenti N. Nazarbaevtıñ Londonğa resmi saparı nätijesinde qol jetkizilgen uağdalastıqtardı orındau boyınşa birlesken jwmıs nätijelerine oñ bağa berdi.

Sırtqı ister ministri Qayrat Äbdirahmanov Wlıbritaniya Sırtqı ister ministrliginiñ Twraqtı hatşısı Ser Saymon Makdonal'dpen kezdesu üstinde. Foto: mfa.kz

İskerlik toptardıñ, akademiyalıq qoğamdastıqtardıñ jäne eki eldiñ mekemeleriniñ berik seriktestik baylanıstarı Qazaqstannıñ sırtqı sayasatında Wlıbritaniya vektorına aytarlıqtay köñil audarılatındığınıñ däleli bolmaq. Eki el seriktestikti eki jaqtı jäne köp jaqtı formatta nığaytuğa wmtıladı.

Äñgime barısında Astana qalasında ötetin, aşıluına bir aydan kem uaqıt qalğan «EKSPO-2017» halıqarılıq körmesine dayındıq taqırıbı qozğaldı. Britandıq tarap bwl London älemge energetika salasında soñğı tehnologiyalıq jäne innovaciyalıq jobaların wsınu üşin tamaşa mümkindik ekenin atap ötip, joğarı deñgeydegi körmege qatısuın qayta rastadı.

«Osı jazda Astana qalasında Britandıq ökildik delegaciyasın quana qarsı alamız jäne körmeniñ jwmısında britandıq kopaniyalardıñ qatısuı nätijeli bolatındığına senim bildiremiz» – dep atap ötti Q. Äbdirahmanov. «EKSPO–2017» körmesinde britandıq pavil'on eñ ülken pavil'ondardıñ biri jäne kiiz üy pişininde jasaladı.

«Şet eldik investiciyalardı tartu jäne otandıq eksporterlerdi qoldau Qazaqstannıñ sırtqı sayasatınıñ mañızdı bağıtarınıñ biri bolıp tabıladı. Osığan oray, eki jaqtı qarım-qatınas mäselelerin ädettegi mwnay jäne gaz, tau-ken önerkäsibi jäne auıl şaruaşılığı, densaulıq saqtau, tehnologiyalıq innovaciya salaların ärtaraptandırudı qarastıru qajet» – dep atap ötti Q. Äbdirahmanov. Sonday-aq eki jaqtı sauda-ekonomikalıq ıntımaqtastıqtı josparlau barısında aldağı Wlıbritaniyanıñ Europalıq odaqtan şığu faktorın eskeru mañızdılığın atap ötti.

Sonımen qatar ozıq täjiribeni keñeytu, diplomattardıñ käsipqoylığın arttıru maqsatında eki eldiñ sırtqı ister ministrlikteri arasında jüyeli täjiribe almasudı retteudi wsındı.

Kesdesu barısında BWW qamqorlığındağı negizgi Jeneva kelissözderine qosa, halaqaralıq qauımdastıq Siriyadağı ozbırlıqtı toqtatudıñ mañızdı mümkindigi retinde esepteytin Siriya mäselesin retteuge arnalğan Astana processine joğarı bağa berildi.

Äñgime barısında Qazaqstannıñ BWW Qauipsizdik Keñesindegi qızmetin jäne 2018 jılı qañtardağı BWW bastı sayasi organına respublikanıñ törağalıq etuine dayındığın talqıladı. QR Sırtqı ister ministri Auğanıstandağı jağdaydı twraqtandıruğa järdemdesuge köñil böle otırıp, Ortalıq Aziya elderiniñ öñirlik müddelerin ilgeriletuge bağıttalğan eldiñ jauaptı täsilin atap ötti.

qazaqtimes.com