استانادا قازاقستان رەسپۋبليكاسى سىرتقى ىستەر ءمينيسترى قايرات ءابدىراحمانوۆ ۇلىبريتانيا سىرتقى ىستەر مينيسترلىگىنىڭ تۇراقتى حاتشىسى سەر سايمون ماكدونالدپەن كەزدەستى.
كازاقستاندىق ديپلومات «مانچەستەر ارەنا» ستاديونىنداعى جارىلىستارىنىڭ قۇرباندارى جانە جاپا شەككەندەردىڭ وتباسىلارىنا كوڭىل ايتىپ، ارىپتەسىنە ۇلىبريتانيانىڭ پرەمەر-ءمينيسترى تەرەزا مەيگە قازاقستان رەسپۋبليكاسىنىڭ پرەزيدەنتى نۇرسۇلتان نازارباەۆتىڭ كوڭىل ايتۋ حاتىن تابىستادى. قازاقستان لاڭكەستىكتىڭ كەز-كەلگەن تۇرلەرى مەن كورىنىستەرىن قاتاڭ تۇردە ايىپتاپ، حالىقارالىق قاۋىمداستىقتىڭ اتالعان زۇلىمدىققا قارسى جۇيەلى، پراكتيكالىق ىنتىماقتاستىعىن قولدايتىندىعى اتاپ ءوتىلدى.
كەزدەسۋ بارىسىندا تاراپتار ەكى جاقتى جانە كوپ جاقتى ىنتىماقتاستىق ماسەلەلەرىنىڭ كەڭ سپەكترى بويىنشا قازىرگى جاعدايى مەن پەرسپەكتيۆالارىن قاراستىردى. ديپلوماتتار 2015 جىلعى قاراشادا قازاقستان رەسپۋبليكاسىنىڭ پرەزيدەنتى ن. نازارباەۆتىڭ لوندونعا رەسمي ساپارى ناتيجەسىندە قول جەتكىزىلگەن ۋاعدالاستىقتاردى ورىنداۋ بويىنشا بىرلەسكەن جۇمىس ناتيجەلەرىنە وڭ باعا بەردى.
سىرتقى ىستەر ءمينيسترى قايرات ءابدىراحمانوۆ ۇلىبريتانيا سىرتقى ىستەر مينيسترلىگىنىڭ تۇراقتى حاتشىسى سەر سايمون ماكدونالدپەن كەزدەسۋ ۇستىندە. فوتو: mfa.kz
ىسكەرلىك توپتاردىڭ، اكادەميالىق قوعامداستىقتاردىڭ جانە ەكى ەلدىڭ مەكەمەلەرىنىڭ بەرىك سەرىكتەستىك بايلانىستارى قازاقستاننىڭ سىرتقى ساياساتىندا ۇلىبريتانيا ۆەكتورىنا ايتارلىقتاي كوڭىل اۋدارىلاتىندىعىنىڭ دالەلى بولماق. ەكى ەل سەرىكتەستىكتى ەكى جاقتى جانە كوپ جاقتى فورماتتا نىعايتۋعا ۇمتىلادى.
اڭگىمە بارىسىندا استانا قالاسىندا وتەتىن، اشىلۋىنا ءبىر ايدان كەم ۋاقىت قالعان «ەكسپو-2017» حالىقارىلىق كورمەسىنە دايىندىق تاقىرىبى قوزعالدى. بريتاندىق تاراپ بۇل لوندون الەمگە ەنەرگەتيكا سالاسىندا سوڭعى تەحنولوگيالىق جانە يننوۆاتسيالىق جوبالارىن ۇسىنۋ ءۇشىن تاماشا مۇمكىندىك ەكەنىن اتاپ ءوتىپ، جوعارى دەڭگەيدەگى كورمەگە قاتىسۋىن قايتا راستادى.
«وسى جازدا استانا قالاسىندا بريتاندىق وكىلدىك دەلەگاتسياسىن قۋانا قارسى الامىز جانە كورمەنىڭ جۇمىسىندا بريتاندىق كوپانيالاردىڭ قاتىسۋى ناتيجەلى بولاتىندىعىنا سەنىم بىلدىرەمىز» – دەپ اتاپ ءوتتى ق. ءابدىراحمانوۆ. «ەكسپو–2017» كورمەسىندە بريتاندىق پاۆيلون ەڭ ۇلكەن پاۆيلونداردىڭ ءبىرى جانە كيىز ءۇي پىشىنىندە جاسالادى.
«شەت ەلدىك ينۆەستيتسيالاردى تارتۋ جانە وتاندىق ەكسپورتەرلەردى قولداۋ قازاقستاننىڭ سىرتقى ساياساتىنىڭ ماڭىزدى باعىتارىنىڭ ءبىرى بولىپ تابىلادى. وسىعان وراي، ەكى جاقتى قارىم-قاتىناس ماسەلەلەرىن ادەتتەگى مۇناي جانە گاز، تاۋ-كەن ونەركاسىبى جانە اۋىل شارۋاشىلىعى، دەنساۋلىق ساقتاۋ، تەحنولوگيالىق يننوۆاتسيا سالالارىن ءارتاراپتاندىرۋدى قاراستىرۋ قاجەت» – دەپ اتاپ ءوتتى ق. ءابدىراحمانوۆ. سونداي-اق ەكى جاقتى ساۋدا-ەكونوميكالىق ىنتىماقتاستىقتى جوسپارلاۋ بارىسىندا الداعى ۇلىبريتانيانىڭ ەۋروپالىق وداقتان شىعۋ فاكتورىن ەسكەرۋ ماڭىزدىلىعىن اتاپ ءوتتى.
سونىمەن قاتار وزىق تاجىريبەنى كەڭەيتۋ، ديپلوماتتاردىڭ كاسىپقويلىعىن ارتتىرۋ ماقساتىندا ەكى ەلدىڭ سىرتقى ىستەر مينيسترلىكتەرى اراسىندا جۇيەلى تاجىريبە الماسۋدى رەتتەۋدى ۇسىندى.
كەسدەسۋ بارىسىندا بۇۇ قامقورلىعىنداعى نەگىزگى جەنەۆا كەلىسسوزدەرىنە قوسا، حالاقارالىق قاۋىمداستىق سيرياداعى وزبىرلىقتى توقتاتۋدىڭ ماڭىزدى مۇمكىندىگى رەتىندە ەسەپتەيتىن سيريا ماسەلەسىن رەتتەۋگە ارنالعان استانا پروتسەسسىنە جوعارى باعا بەرىلدى.
اڭگىمە بارىسىندا قازاقستاننىڭ بۇۇ قاۋىپسىزدىك كەڭەسىندەگى قىزمەتىن جانە 2018 جىلى قاڭتارداعى بۇۇ باستى ساياسي ورگانىنا رەسپۋبليكانىڭ توراعالىق ەتۋىنە دايىندىعىن تالقىلادى. قر سىرتقى ىستەر ءمينيسترى اۋعانىستانداعى جاعدايدى تۇراقتاندىرۋعا جاردەمدەسۋگە كوڭىل بولە وتىرىپ، ورتالىق ازيا ەلدەرىنىڭ وڭىرلىك مۇددەلەرىن ىلگەرىلەتۋگە باعىتتالعان ەلدىڭ جاۋاپتى ءتاسىلىن اتاپ ءوتتى.
شەرزاتتىڭ ءولىمى ىسىنە قاتىستى قۇپيا ۆيدەونى جاريالاۋ كىمگە كەرەك بولدى؟ – ساراپشىلار مەديا سىنى
كوميسسيا مەن باقىلاۋشى ەسەبىندەگى ايىرماشىلىق: الماتىدا رەفەرەندۋم قالاي ءوتىپ جاتىر؟
رىسبەك سارسەنبايۇلى: اەس – جارىلىپ كەتۋگە شاق تۇرعان بومبانى قۇشاقتاپ وتىرعانمەن بىردەي
قاراعايعا قارسى بۇتاق. دۋماننىڭ سوت تەرگەۋى اياقتالدى. 29 شىلدە ءجارىسسوز.
الماتى وبل پركۋراتۋراسى. بەلسەندىلەر: «جالعان جالامەن قاماۋداعى ايگەرىم مەن دۋمانعا بوستاندىق!»
جاۋاعاشتى تۇرمەسى ايگەرىمدى تاعايىندالعان ەمگە جىبەرمەي جاتىر