AQŞ prezidenti Tramp işki-sırtqı daudıñ arasında qaldı. Foto: Lenta.ru

AQŞ Ortalıq barlau basqarmasınıñ bwrınğı bastığı Jon Brennan Kongreste söylegen sözinde, ol Tramp komandasındağı belgili bir adamnıñ Reseymen baylanıs jasap jürgenin  ötken jılı bilgenin ayttı. Biraq ol bwl isti birden «Reseymen til biriktirip, otandı satu» dep tüsinuge kelmeydi dedi. Bwdan keyingi Aqüy mälimdemesinde, aytılıp jürgen «Tramp Reseymen astastı» degen aytılımdı däleldeytin eş fakt joq ekenin, mwnday ösektiñ eşqanday qwnı qalmağanın ayttı.

Qıtaydıñ "Şinhua" agenttiginiñ resmi saytı jariyalağan habarğa qarağanda, Brennan AQŞ Ökilder palatasında söylegen sözinde, özin Reseydiñ AQŞ-tağı saylau isine aralasuın bayqağan alğaşqı AQŞ şeneunigi dep körsetti. «Ärbir adam anıq biluge tiisti bir is bolsa  – Reseydiñ bıltırğı AQŞ saylau isine kedergi keltirui», – dedi ol.

Aqüydegi lauazımdı twlğalar är türli pikir aytqanımen, Tramp komandası bwl isti jılı jauıp ötip baradı deuge boladı. Jaqında AQŞ prezidenti Tramp: «Demokratiyalıq partiyanıñ bwrınğı senatorı Djozef Liberman bolsa jwmıstan bosatılğan Jeyms Komidiñ üzdik kandidatı», – dep tanıstırğan. Demek, Tramptıñ maqsatı barınşa Komidiñ äñgimesin jauıp, Aqüydiñ işindegi dübirdi basu. Federaldıq barlau basqarmasınıñ bastığı qızmetine Tramp öziniñ ıñğayına könetin bir adamdı äkelip qoya alsa, onda Aqüydegi işki dau-damay uaqıtşa tolastaytını anıq.

“The Qazaq Times”