ترامپ اقۇيەگى ىشكى داۋ-دامايدى باسۋ ءۇشىن جانتالاسۋدا

اقش ورتالىق بارلاۋ باسقارماسىنىڭ بۇرىنعى باستىعى جون برەننان كونگرەستە سويلەگەن سوزىندە، ول ترامپ كومانداسىنداعى بەلگىلى ءبىر ادامنىڭ رەسەيمەن بايلانىس جاساپ جۇرگەنىن  وتكەن جىلى بىلگەنىن ايتتى. بىراق ول بۇل ءىستى بىردەن «رەسەيمەن ءتىل بىرىكتىرىپ، وتاندى ساتۋ» دەپ تۇسىنۋگە كەلمەيدى دەدى. بۇدان كەيىنگى اقۇي مالىمدەمەسىندە، ايتىلىپ جۇرگەن «ترامپ رەسەيمەن استاستى» دەگەن ايتىلىمدى دالەلدەيتىن ەش فاكت جوق ەكەنىن، مۇنداي وسەكتىڭ ەشقانداي قۇنى قالماعانىن ايتتى.

قىتايدىڭ "شينحۋا" اگەنتتىگىنىڭ رەسمي سايتى جاريالاعان حابارعا قاراعاندا، برەننان اقش وكىلدەر پالاتاسىندا سويلەگەن سوزىندە، ءوزىن رەسەيدىڭ اقش-تاعى سايلاۋ ىسىنە ارالاسۋىن بايقاعان العاشقى اقش شەنەۋنىگى دەپ كورسەتتى. «ءاربىر ادام انىق بىلۋگە ءتيىستى ءبىر ءىس بولسا  – رەسەيدىڭ بىلتىرعى اقش سايلاۋ ىسىنە كەدەرگى كەلتىرۋى»، – دەدى ول.

اقۇيدەگى لاۋازىمدى تۇلعالار ءار ءتۇرلى پىكىر ايتقانىمەن، ترامپ كومانداسى بۇل ءىستى جىلى جاۋىپ ءوتىپ بارادى دەۋگە بولادى. جاقىندا اقش پرەزيدەنتى ترامپ: «دەموكراتيالىق پارتيانىڭ بۇرىنعى سەناتورى دجوزەف ليبەرمان بولسا جۇمىستان بوساتىلعان جەيمس كوميدىڭ ۇزدىك كانديداتى»، – دەپ تانىستىرعان. دەمەك، ترامپتىڭ ماقساتى بارىنشا كوميدىڭ اڭگىمەسىن جاۋىپ، اقۇيدىڭ ىشىندەگى ءدۇبىردى باسۋ. فەدەرالدىق بارلاۋ باسقارماسىنىڭ باستىعى قىزمەتىنە ترامپ ءوزىنىڭ ىڭعايىنا كونەتىن ءبىر ادامدى اكەلىپ قويا السا، وندا اقۇيدەگى ىشكى داۋ-داماي ۋاقىتشا تولاستايتىنى انىق.

“The Qazaq Times”