Kollaj: QT

Qazaqstandağı «Bank RBK» AQ men «Qazaq Banki» AQ akcionerleri qarjı instituttarın biriktiru turalı kelissöz jürgizip jatır. Aldağı uaqıtta eki banktiñ ökilderi arasında birigudiñ negizi bolatın özara tüsinistik jönindegi memorandumğa qol qoyıladı. Qwjattardıñ negizgi qosımşası Wlttıq bankpen bekitildi, dep habarladı Bank RBK-nıñ baspasöz qızmeti. 

Habarlamada aytılğanday, bankter biriktirilgennen keyin Bank RBK degen atauğa ie boladı. Birigu jwmıstarı kezeñ kezeñimen jürgiziledi jäne jaña qwrılımdı baqılaudı Vladimir Kim qolğa aluı mümkin.

«Bankterdiñ kapitaldarın biriktiru arqılı bank sektorındağı oyınşılardı nığaytu - jaqsı äri quattı bank qwru maqsatına jetu jolında jasalatın dwrıs şeşim. Bwl el ekonomikasın damıtudağı bastı drayver. Sondıqtan  Bank RBK men Qazaq Banki-niñ birigui özara tüsinistikpen jäne Wlttıq banktiñ qoldauımen jasalıp otır", - dep jazılğan habarlamada «Bank RBK» AQ-nıñ basqarma törağası Igor' Majinovtıñ sözi.

Bank RBK Qazaqstandağı iri bankterdiñ ondığına, al Qazaq banki aldıñğı jiırma banktiñ qatarına kiredi.

"The Qazaq Times"