"Edinaya Rossiya" partiyası AQŞ-tı Reseydiñ işki isterine aralastı dep ayıptadı

Reseydiñ «Edinaya Rossiya» partiyası amerikalıq BAQ ökilderin RF işki isterine aralastı dep ayıptadı.

«Edinaya Rossiya» partiyası 2016 jılı Reseyde ötken parlament saylauında amerikalıq BAQ ökilderi Reseydiñ oppoziciyalıq partiyaların jarnamalap, özge partiyalardıñ bedelin tüsiretin aqparat tarattı dep mälimdedi.

Bügin Reseydiñ memlekettik duma otırısında RF aqparattıq sayasat komitetiniñ basşısı Leonid Levinniñ bayandamasınan keyin, «Edinaya Rossiya» partiyasınıñ deputatı Andrey Isaev amerikalıqtar bıltırğı parlamet saylauda Reseydiñ işki isterine aralasqandığın aytqan.

Andrey Isaevtiñ sözinşe Resey aumağında jwmıs istep jatqan amerikalıq «Golos Ameriki», «Radio Svoboda», «CNN» sındı aqparat qwraldarı Resey Federaciyasınıñ  işki sayasatına äser etip otırğan körinedi.

Memlekettik Dumada Reseydiñ aqparattıq qauipsizdigine baylanıstı bolğan qızu talqılaudıñ soñında, Memleketti Duma spikeri Vyaçeslav Volodin bwl mäsele boyınşa aldağı uaqıtta FSB-men jabıq esik jağdayında döñgelek üstel ötkizetindikterin aytqan.

“The Qazaq Times”