فوتو: ريا نوۆوستي

رەسەيدىڭ «ەدينايا روسسيا» پارتياسى امەريكالىق باق وكىلدەرىن رف ىشكى ىستەرىنە ارالاستى دەپ ايىپتادى.

«ەدينايا روسسيا» پارتياسى 2016 جىلى رەسەيدە وتكەن پارلامەنت سايلاۋىندا امەريكالىق باق وكىلدەرى رەسەيدىڭ وپپوزيتسيالىق پارتيالارىن جارنامالاپ، وزگە پارتيالاردىڭ بەدەلىن تۇسىرەتىن اقپارات تاراتتى دەپ مالىمدەدى.

بۇگىن رەسەيدىڭ مەملەكەتتىك دۋما وتىرىسىندا رف اقپاراتتىق ساياسات كوميتەتىنىڭ باسشىسى لەونيد لەۆيننىڭ بايانداماسىنان كەيىن، «ەدينايا روسسيا» پارتياسىنىڭ دەپۋتاتى اندرەي يساەۆ امەريكالىقتار بىلتىرعى پارلامەت سايلاۋدا رەسەيدىڭ ىشكى ىستەرىنە ارالاسقاندىعىن ايتقان.

اندرەي يساەۆتىڭ سوزىنشە رەسەي اۋماعىندا جۇمىس ىستەپ جاتقان امەريكالىق «گولوس امەريكي»، «راديو سۆوبودا»، «CNN» سىندى اقپارات قۇرالدارى رەسەي فەدەراتسياسىنىڭ  ىشكى ساياساتىنا اسەر ەتىپ وتىرعان كورىنەدى.

مەملەكەتتىك دۋمادا رەسەيدىڭ اقپاراتتىق قاۋىپسىزدىگىنە بايلانىستى بولعان قىزۋ تالقىلاۋدىڭ سوڭىندا، مەملەكەتتى دۋما سپيكەرى ۆياچەسلاۆ ۆولودين بۇل ماسەلە بويىنشا الداعى ۋاقىتتا فسب-مەن جابىق ەسىك جاعدايىندا دوڭگەلەك ۇستەل وتكىزەتىندىكتەرىن ايتقان.

“The Qazaq Times”