AQŞ prezidenti qızmet keñsesinde Resey sırtqı ister ministrin qabıldadı. Foto: WLRN

Prezident Tramptıñ tağı bir lañı AQŞ aqparat qwraldarın dürliktirip twr. Amerikandıq BAQ Tramp reseylik joğarı lauazımmen kezdesude asa mañızdı qwpiyalıqtı aşıp tastadı dep ayıptauda. Bwl mäsele turasında Aqüy düysenbi küni arnaulı baspasöz mäjilisin ötkizdi.

«Uaşington post» (Washington Post) basılımınıñ habarlauınşa, Tramp ötken aptanıñ särsenbi küni, Aqüydegi prezident keñsesinde Reseydiñ joğarı lauazımdı ökilin qabıldau kezinde AQŞ-tıñ mañızdı bolğan qwpiyalığın ortağa salğan. Atalğan basılımnıñ körsetuinde bwl qwpiyalıq «Islam memleketi» (Islamic State) terrorlıq wyımına qarsı twru jönindegi qwpiyalıq eken. AQŞ-tıñ Wlttıq qauipsizdik jönindegi keñesşisi Tom Bossert Ortalıq barlau basqarmasına jäne AQŞ Memlekettik qauipsizdik komitetine Tramptıñ kezdesudegi sözderine qaytalay tekseru jürgizudi alda bwrın  tapsırğan.

Tanımal “The Wall Street Journal” basılımınıñ habarlauına qarağanda, Wlttıq qauipsizdik jönindegi keñesşi H.R. McMaster düysenbi küni keşte Aqüyde jurnalisterdi qabıldap, «Uaşington post» jariyalağan aqparattı teristedi. Onıñ tüsindiruine qarağanda, ol prezident Tramp pen Resey SİM basşısınıñ kezdesu barısın öz közimen körgen. Alayda, «Uaşington post» jariyalağanday informatorlar  turalı qwpiyalıq aytılmağan. Oğan qosa Tramp jariyalanbağan eşqanday äskeri qwpiyalıqtı da aşıp körsetken joq dep aqtadı.

Dese de, «Uaşington post» basılımında Tramp aqparşılar (informatorlar) turalı qwpiyalıqtı jayıp saldı dep jazılmağan. Tek aqparşılarğa qater töndiretin qwpiyalıqtı aşıp qoydı delingen. Al, düysenbi küni “The New York Times” basılımında da osığan wqsas aqparat jariya boldı.

Keşe, «Uaşington post» basılımı atalğan habardı jariyalay salısımen, bir sağat ötpey jatıp, Aqüy AQŞ Memlekettik hatşısı Tillersonnıñ tüsiniktemesi habarlandı. Onda körsetiluinşe Sergey Lavrovqa kezdesken Tramp aqparşılar turalı emes, terrorlıq wyımğa birge qarsı twru turalı keñesti delingen.

“The Qazaq Times”