Foto: lada.kz

Qazaqstan mwnay kölemin qısqartuğa qatıstı OPEK-pen bolğan kelisim merzimin odan äri wzartuğa dayın emes. Bwl turalı Qazaqstannıñ Energetika ministri Qanat Bozımbaev mäjilis otırısınan keyingi jurnalistermen kezdesu kezinde mälimdedi. 

Ministrdiñ sözinşe, Qazaqstan qara altın kölemin qısqartu turalı kelisim ayasında boladı. Alayda şikizat öndirisin endi damıtıp jatqan Qaşağan siyaqtı ken ornınıñ da mümkindikteri eskerilu qajet.

"Sondıqtan biz  Qazaqstannıñ öndiris kölemin qısqartu turalı kelisimge qosılğan jağdayda  qanday mañızğa ie ekenin anıqtau üşin  OPEK-pen jäne oğan müşe emes eldermen kelissözder jürgizemiz. Ärine kelisim bwrınğı şeşim ayasında bolmauı mümkin, biraq qanday şaralar boyınşa qosılatınımızdı talqılaymız", - dep tüsindirdi vedomstvo basşısı.  Onıñ sözinşe, ötken jılı OPEK kelisimi mañızdı röl oynadı, alayda narıqtağı balans äli qalıpqa kele qoymadı.

"Ötken jılı Qazaqstandağı mwnay bağası 30 barrel' bolsa, biıl ortaşa eseppen 52 dollardı qwradı. YAğni bwl kelisimnen Qazaqstan 22 dollarğa payda taptı", - dedi Bozımbaev. 

Ayta keteyik, OPEK elderi osı jıldıñ 25 mamırında Venada ötetin kezdesude mwnay kölemin qısqartudıñ tağı birneşe jolın qarastıratın boladı. Bwl turalı Birikken Arab Ämirliginiñ energetika ministri Suheyl' al'-Mazrui mälimdegen edi.

“The Qazaq Times”